fbpx

deur Flip Buys oorspronklik op https://www.facebook.com/FlipBuysBlad/ gepubliseer.

Die ANC se blamering van wittes vir swartmense se probleme is misplaas. Ons is nie hulle probleem nie, en nie hul oplossing nie. Hulle sal hul kiesers moet leer om die geleenthede wat vryheid meebring self te gebruik. ‘n Polities maglose groep kan dit nie vir hul ‘gee’ nie, en die staat ook nie gee óf van ons vat nie. Die harde werklikheid is dat – soos enige ander groep ter wêreld – swartmense se aandeel van die ekonomie bepaal word deur hul bydrae daartoe.

Afrikaners se historiese strategie om ons gemeenskap se armoede te oorkom, was om ons bydrae te verhoog deur die stigting van ‘n magdom nuwe besighede en ander instellings. Ons voorouers het nie die Engelse se banke, universiteite en dorpe oorgevat nie, maar nuwes gestig: Volkskas, Sanlam, RAU, Naspers en die res. Dr Anton Rupert is nie deur wetgewing en die staat ‘bemagtig’ nie, maar het self ‘n globale Sakeryk opgebou. In kort – dit als het die ekonomie vergroot, met meer geleenthede vir almal.

Daarteenoor het die ANC nie ‘n groeiplan ingestel nie, maar die bestaande koek net herverdeel. Maatskappye is met wette gedwing om poste en aandele vir swartmense te gee. Die gevolg was dat die ekonomie nie vergroot is nie, maar bates net hersirkuleer is. Die beste swart talent is in bestaande besighede ingetrek, in plaas daarvan om nuwes te stig – soos Moeletsi Mbeki uitgewys het.

Boonop is die ANC-siening dat swartmense se lot in wit hande is, ontmagtigend en beledigend vir swartmense – asof hul niks vir hulself kan doen nie. Die ANC se blaampolitiek is ‘n suksesvolle politieke strategie om stemme te wen, maar ‘n ekonomiese mislukking vir swartmense om uit armoede te ontsnap.

Die ANC herhaal nou weer al die mislukkings van post-koloniale Afrika, in plaas van om uit hul foute te leer. Dis hoekom lande soos Botswana, Mauritius, Ethiopië, Rwanda en ander beter as SA vaar. Daarteenoor wil die ANC weer dekoloniseer – wat hul reeds met Openbare Ondernemings soos Eskom en die SAL, plattelandse dorpe, staatshospitale, die staatsdiens en grootskaalse straffelose korrupsie ‘reggestel’ het.

Daarom kan Afrikaners nie meer op die ANC staatmaak nie. Ons is op ons eie. Dis bevrydend, want ons toekoms hang nie van ‘n korrupte onbevoegde regering af nie. Staatsbestuur het reeds misluk, en gaan nie regkom nie. Ons enigste keuse is om deur groeiende Selfbestuur met sterk selfhelp-gemeenskapsorganisasies staatsbestand en selfstandig te raak. Hou op treur oor wat verval het, en help bou aan wat nodig is. Die verlede gaan nie terugkom nie, die hede gaan nie weggaan nie, en die toekoms gaan nie vanself gebeur nie.

Die menings van skrywers weerspieël nie noodwendig die mening van die Orania Beweging nie.

Blog Single

Wie dra die verantwoordelikheid?

by Jun 17, 2020Uncategorized5 comments

5 Comments

  1. Paul Smith

    I’m an English South African, did my military service and am proud thereof. Your article was so potent and true that it took my breath away. Unfortunately, in my humble opinion, most black South Africans will not hear this message and I honestly believe that we are heading down a slippery slope towards an armed conflict.

    Reply
  2. VIRIATVS

    Anglo-Dutch hegemony of Southern Africa, the unique demographic distribution consequence of its arid interior contributed to the successful establishment of a White African bastion.

    Grieving over what has expired, is not useful, learning from how it was lost is important…
    The foundation of our labour pool is the guarantor for White Africans to survive on the dark continent.

    Afrikaners are the core for a future White African Republic between South West Africa and the Cape. Afrikaner inteligencia have the skills to organise all the necessary societal pillars for a viable state.

    The SADF and SAP veterans, the half a million empoverished Whites scattered throughout the urban areas, the lettered and scientific class and the crucial funding that wealthy white families, around the world, can use to finance a visibly well organised movement for migration, concentration and sovereign independence.

    It is now up to the most influential of Afrikanerdom’s organisations to follow a common path, unite the White African, establish alliances with the Coloureds and forge the conditions necessary for your liberty.

    Reply
  3. VIRIATVS

    My comments in support of the underlying principles with this article, as with other actions by the Orania Movement, the Vryheids Front and their sister organisations have been censored, deleted and at times reported for further sanctions on social media…

    These actions serve to prove your entire ethos is compromised and the scavengers amongst your movements are vested in the only goal of scalping the financial provisions of their own kind.

    As a decades long and paying member of the Orania Movement and the Freedom Front, you will never again see another cent of my loyalty.

    The Afrikaner is his own worst enemy.

    Reply
  4. Henri

    Raakgevat net soos die Afrikaner kan.

    Reply
  5. Vic

    Dit is nou n mooi opsomming van die toedrag van sake.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

5 × 3 =