NederlandSokkerDie Sokkerwêreldbeker wat tans in Brasilië plaasvind, wys op interessante wyses uit hoe Suid-Afrikaners volgens identiteit internasionaal identifiseer. Suid-Afrika se swak sokkerspan het nie eers vir dié toernooi gekwalifiseer nie en gevolglik behoort Suid-Afrikaners nie juis vreeslik direk in die Wêreldbeker belang te stel nie. Tog is ‘n daar baie Suid-Afrikaners wat vasgenael voor die kassie sit om sekere wedstryde dop te hou. Swart Suid-Afrikaners ondersteun enige Afrikaland, terwyl Afrikaners bankvas agter die Nederlandse span staan.

Die Nederlandse sokkerspan presteer vanjaar weer goed. Daarteenoor doen Afrikaspanne betreklik sleg. Sou jy die sosiale media hieroor gaan bestudeer, sien jy hoe verskeie Afrikaners elke Nederlandse oorwinning hul eie maak. Die Nederlandse span word ook elke Afrikaner se volksbesit. Netso assosieer swart Suid-Afrikaners sterk met die Afrikaspanne en selfs net met swart spelers in Westerse lande se spanne. Afrikaners beskou hulself lankal nie meer as vreeslik “Nederlands” nie en formele verhoudinge tussen die Afrikaner en Nederland is uiters beperk. Die Afrikaner se kultuur is ook in ‘n groot mate deur sy ervaringe in Afrika en deur Britse kolonialisme beïnvloed wat beteken dat daar vandag kulturele verskille tussen Afrikaners en Nederlanders is.

NederlandSokker2Tog assosieer Afrikaners met Nederland. Hierdie assosiasie beteken nie dat Afrikaners terughunker na Nederland of selfs net smag om meer “Nederlands” te wees nie. Nee die assosiasie met Nederland het veel meer te doen met die Afrikaner se totale vervreemding binne ‘n Suid-Afrika wat by die dag meer Afrikaniseer. Afrikaners voel ontuis in ‘n samelewing wat ver verwyderd is van dit waaraan hulle gewoond is. Regeringskorrupsie, nepotisme, kaderontplooiing, wrede misdadigheid en selfs net klein kultuurverskille soos “Afrikatyd” waaroor ons soms kan spot is alles deel van die vreemde Afrikabestel waarbinne ons moet funksioneer.

Die Afrikaner is ‘n Westerse volk wat soos ‘n klein boodjie op die Afrika-see ronddobber. Hy staan uit of hy nou wil of nie. Na elke oorwinning van die Nederlandse sokkerspan is daar swartmense wat op plekke soos Twitter en Facebook sarkasties sê dat Afrikaners seker nou feesvier. Politieskorrekte Afrikaners sal probeer om daarvan weg te skram. Dit is verkeerd. Afrikaners moet met trots met ander Westerse volke assosieer. Ons moet juis meer en nie minder nie ander Westerse volke ondersteun en vriendskapsbande mee smee.

Die Afrikaner se voortbestaan aan die suidpunt van Afrika is in die verlede nog elke keer verseker nie deur te Afrikaniseer nie, maar juis deur by ons sterk Westerse beginsels en kultuur te bly staan en dan waar nodig aan te pas om die uitdagings van Afrika te bowe te kom. Wanneer die Nederlandse sokkerspan of selfs die Belgiese of Duitse span speel mag en moet ons hulle ondersteun. Dit kan onder jonger generasies Afrikaners weer ‘n trots op hul Westerse kultuur en agtergrond wakker maak.

Soos wat swart Suid-Afrikaners solidariteit met ander Afrikane toon moet ons solidariteit met ander Westerlinge toon. Watter beter plek om daarmee te begin kan daar nou wees as op sagter nie politieke terreine soos sport?

Blog Single

Sokker help Afrikaners om Westerse kultuur te herbevestig

by | Jul 1, 2014 | Nuus | 11 comments

11 Comments

  1. Anton Visser

    Jaco jy slaan die spyker op sy kop! Dit is nogal so en so ondersteun ek tot Argentinie as hulle teen enige Afrika span speel!

    Reply
  2. Philip De Wet

    Ek dink nie is heeltemal waar dat Afrikaners bankvas agter die Nederlandse span staan nie. Dat hul wel in baie groot getalle die Hollanders ondersteun is gewis.
    Ons het n Familie FB groep en interresant is dat Nederland en Duitsland die 2 gewilde spanne is wat ondersteun word.
    Van ons familie het ge immigreer na die VSA en Australie. Uiteraard ondersteun hul weer daardie lande.
    Ek dink hierdie is n besondere goeie artikel.
    Ons moet ons bande met ons stamlande weer sterker maak.

    Reply
  3. Frank

    Pro-Nederland/ Duitsland/ Amerika … Anti Engeland 🙂

    Reply
  4. Old Row

    Pro Belgium in this one

    Reply
  5. Sebastiaan

    Wat kultuur en beskawing betref voel ons as Afrikaners beslis nader aan die Wes-Europese spanne as aan Afrika-spanne. As dit egter kom by christelike waardes dan het ons in talle opsigte meer met die Afrika- of die Latyn-Amerikaanse lande in gemeen. Talle Afrikaleiers, soos diegene van byvoorbeeld Malawi en Oeganda, is openlik christelik en het nie ooghare vir goed soos gay-huwelike of feminisme nie, anders as Nederlanders of ander Wes- en Noord-Europese volke. Die skryende sekularisme wat ‘n mens in Nederland, Duitsland, België ens met elke besoek daar teenkom maak dat ek nooit werklik daar op my gemak voel nie, ten spyte van orde, mooi geboue en netheid.

    Reply
  6. Gert

    Beste Sebastiaan,ik ben allahzijdank geëmigreerd.Ik weet niet wat er in Zuid-Afrika allemaal bekend is over de EU en Nederland.Ik kan vertellen dat het één grote,corrupte,discriminerende rotbende is.Mensen gunnen elkaar het licht in de ogen niet en dat is niet prettig leven.Ik kan u dus alleen maar gelijk geven.Groetjes uit México.

    Reply
    • Janchik

      @Gert (of is het Mohammed?)
      Dat je geëmigreerd bent kan ik alleen maar toejuichen met die instelling van je, maar dat je dan naar 1 van de meest corrupte en misdadige landen ter wereld gaat begrijp ik dan niet.
      Jaarlijks vallen in Mexico tienduizenden doden door het drugsgeweld en dan vind jij Nederland corrupt en discriminerend? Als je deze instelling hebt, vind je zeker de slachtpartijen met ISIS in Irak ook geweldig.
      Nederland wordt al decennia geregeerd door communisten en socialisten, wat ook te merken is aan het binnenhalen van miljoenen moslims, die zich totaal NIET aan onze cultuur willen aanpassen en binnenkomen en van een uitkering gaan leven, dat is de realiteit.
      Daarom doet het mij goed om meer te weten te komen, hoe het de Afrikaners vergaat in hun land, omdat ik en vele Nederlanders met mij nog steeds verbondenheid en waardering voelen voor de nazaten van onze zelfde voorouders.
      Ik heb jullie foto’s en commentaar met plezier zitten te bekijken.
      Ik ben nog van een generatie die weet wat geschiedenis is, zeker voor wat betreft de moed en standvastigheid van de Afrikaanse boeren.
      God zij met u.

      Reply
  7. Jantje

    Als de Afrikaners binnen niet al te lange tijd hun eigen land moeten ontvluchten, omdat Zimbabwe 2.0 er aan komt, kom dan maar naar Nederland. Krijgen we naast een goed voetbal team ook een super Rugby team 🙂

    Reply
  8. Dante' Strauch

    Hierdie sit mens noggal aan die dink Jaco! Sebastiaan het genoem dat ons en Nederlandse kultuur baie verskil en ek stem heeltemal saam. Julle as verteenwoordigers van Orania wil nie graag alles oor ras maak nie vir verstaanbare redes, maar ek dink dit gaan in n groot mate oor genetiese verwantskap eerder as kultuur. Dit is heeltemal natuurlik vir enige mens, wit of swart, om meeste aanklank te vind by die wat geneties homself die naaste verteenwoordig.

    Reply
  9. frits en ella

    Dagse Jaco, ons wat in Noord-Wes-Europa bly is n bietjie bang, Sebastiaan (hierbo) is n bietjie reg. Die eerste dinge waar n mens, as hy vir die westerse cultuur wil aansluit, vir moet buig,is homohuwelik, anti-discriminasie-cultuur-ten-koste-van-alles en groei-economie-ook-ten-koste-van-alles, Hierdie is afgode, hoor, en verskeur mense. Dus, hierdie is n bietjie n moeilikheid, as ons oor westerse cultuur praat. Homocultuur en homohuwelik is absolute afgode in hierdie wereld geword. Jammer. En alles moet ook wyk vir bou van teerpade, vliegvelde, fabrieke, ens. Dit breng nie vrede vir die land n ie, soos ons sien. Jammer, ook. Maar ons wil nie kla nie. Goed gaan vir julle almal.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

2 × 4 =