Wit gesigteTwee damestudente van die Universiteit van Pretoria, wat met swart geverfde gesigte `n privaat geleentheid bygewoon het, is uit hulle koshuis geskors nadat foto’s van die geleentheid op sosiale netwerke die rondte begin doen het. Dié studente is op verskeie sosiale platforms van growwe rassisme beskuldig. Terselfdertyd is daar `n pamflet op die Noordwes Universiteit se Potchefstroomkampus versprei met die woorde Kill the Boer, Kill the Racist, Kill Afrikaans. Dit het egter nie daarin geslaag om dieselfde mediabelangstelling uit te lok as die eerste voorval nie. Ook was daar nie dieselfde reaksie vanaf die universiteitsbestuur soos in die eerste geval nie.

Buiten die feit dat daar duidelik dubbele standaarde voorgekom het met die hantering van die situasie, kan `n mens nie anders as om te wonder of die skorsing en gepaardgaande kommentaar nie `n totale oorreaksie is nie. Ek het al by geleentheid `n Chinese braai bygewoon en, soos die res van die gaste, was ek geklee in tradisionele Chinese drag. Party het selfs die kenmerkende lang snor laat aanbring en daar is in swak Engels met sterk Chinese aksente gekommunikeer. Die foto’s van dié geleentheid het ook op die sosiale media beland maar sonder enige reaksie, beskuldigings van rassisme en tugstappe.

Ons kan nie ontken dat daar in Suid-Afrika `n groot mate van selektiewe sensitiwiteit voorkom nie. Dit geld ook vir politieke korrektheid wat jou beperk tot die kleredrag en optrede wat van jou kultuur en agtergrond verwag word. Maar waar lê die grens? En op wie het die reëls betrekking? Trek ons die streep by die swart bedelaars in Voortrekkersweg in Pretoria met hulle wit geverfde gesigte wat snaakse danspassies uitvoer met die hoop om motoriste te oortuig om vir hulle kleingeld te gee? Of trek ons die streep by Afrikaners wat hulle politieke oortuigings deur die dra van die kenmerkende ‘Madiba’-hempde uitdra? Die bohaai oor die twee studente kon sekerlik nie oor hulle kleredrag gegaan het nie aangesien die swart nasionalistiese EFF-verteenwoordigers parlementsittings bywoon terwyl hulle so geklee is.

`n Land so divers soos Suid-Afrika het robuuste debat nodig wat nooit sal realiseer solank ons met polities korrekte balletskoentjies al om mekaar trippel uit vrees dat iemand deur ons optrede beledig sal word nie. Dit is belangrik om mekaar se kulture en oortuigings te respekteer, maar ons moet ook besef dat nie alle grappies ten doel het om iemand te beledig nie. As daar gekyk word na hoe mense, wit en swart, in `n volgepakte rolprentteater uitbundig lag vir Leon Schuster se grappies is dit duidelik dat die meerderheid nie onnodig sensitief is of na enige strooihalm vir politieke gewin sal gryp nie.

Blog Single

Oorsensitiwiteit en dubbele standaarde

by | Aug 8, 2014 | Nuus | 7 comments

7 Comments

  1. Ropie

    Ek stem saam!

    Reply
  2. Deon

    Ek stem volkome saam. Wat sleg is in SA is dat alle toepassings van reels verskillend toegepas word wanneer dit by blanke mense kom. Die probleem in SA is dat die integrasie wat Hulle probeer het om hierdie sogenaamde nuwe nasie te bou totaal gefaal het. En nou help hulle dit verder aan! Die leiers in beheer maak seker dat witmense as skurke uitgebeeld word. Ons steel alles waarvoor ons werk! Ons steel die grond! Volgens hulle het ons geen regte nie en hoort nie hier nie.

    Die probleem van die land is dat ons deesdae Slim fone het maar dom mense!
    Hierdie meisies is volgens my totaal onskuldig, en dit is weereens niks anders as n rasse probleem nie. Die hartseer is dat dit nie moontlik is om jou saak te stel nie want hulle wat jou saak moet aanhoor sal dit moontlik nie verstaan nie want hulle is so blind rassisties dat jy net jou tyd sal mors.

    Ons mense het die reg om ons eie ding te doen! Dink net ons eie universiteite, ons eie waardes!

    Die vraag is? Hoe help ons die meisies want dit wat hulle oorgekom het is mos nie verkeerd nie? Is swartmense dan so sensitief oor hul self?

    Reply
  3. Juanita Cilliers

    Nou wat is dit as hulle gesigte so wit geverf is, hulle kan dit mos enige ander kleur wees, en die dames wat so in die publiek en malls loop met hulle lang plastiek hare, wil hulle dan nie soos ons lyk nie of is dit dalk n bespotting met ons, gaan kyk bietjie hoeveel het nog hulle natuurlike hare dis skrikwekend, so hulle moet dan ma ook as rasisties geoordeel word dan nie.

    Reply
  4. Sebastiaan

    Politieke korrektheid maak humor dood. Politieke korrektheid was nooit eie aan enige een van Suid-Afrika se vele volke nie, dis iets wat ‘n liberale elite uit Europa ingevoer het en nou op almal afdwing. Sonder om oor mekaar en oor onsself te kan lag, en daarmee die las van die politieke bagasie en die droewige huidige toestand te verlig, word Suid-Afrika ‘n Orweliaanse staat met ‘n gedagtepolisie en selfsensuur. Dan gaan mense soos Trevor Noah of Leon Schuster tronk toe weens rassisme, terwyl hulle met hulle grappe juis die angel uit die ewige rassensitiwiteit haal.

    Reply
    • Danie

      Ek stem saam Sebastiaan.

      Probleem is dat dit op die oomblik eenrigting verkeer is teen die Afrikaner en diegene wat nie polities korrek optree nie.

      Ek dink die tyd het aangebreek dat ons van die “verkeer” terugdraai in die ander rigting en hande vat met organisasies soos Afriforum en andere.

      Reply
  5. Deon 1

    Ons Afrikaaners, sal swaarkry onder ons omstandighede omdat ons nog nie swaarkry nie. Baie van ons in die stede het vergeet van Piet Retief, en baie weet nie van sy lot nie. Baie van ons wil in die reenboog nasie glo, as ons van Afrikaaners sukkel om met Engelse oor die weg te kom, hoe gaan dit met ander nasies werk. Daar is net een manier, jy moet jou kultuur afskryf, en ek sien dit daagliks, dit vir my is n bitter pil om te sluk. Ek is een van van min, wat nie hoef te verloor wat ek het, om te weet wat ek het nie. Ek het my volk ontsetend lief, en sal my hemp vir hom uitrek, maar ons is vieslik met mekaar. Dit maak my bang om te dink waar dit gaan eindig. Die Afrikaaner kraak sy kinders af daar gaan ons selfvertroue, ons moet ophou om vir ons self te lieg. Die wereld is in sy “glory” in, ons sal moet harder werk om ons eie toekoms te bepaal, ons het die verstandlike voordeel en sal altyd he.

    Reply
  6. Pieter Huysamen

    Die probleem met ons ou volkie bly maar nog steeds dat die samehorigheid ontbreek.Kyk maar om jou rond as daar n probleem met iets wat die ander nie van hou nie? Wanneer gaan ons nou eenvoudig besluit wat genoeg is, is genoeg. Ons is hier om te bly en om met n Jannie jammer houding rond te loop gaan eenvoudig nie werk nie. Dit is ook nie ons doel om wetteloos op te tree nie maar om soos beskaafde mense die probleem aan te pak en met die wat wil, saam te werk sonder dat oor jou geloop word. Onthou een ding, die wat probeer om jou te verkleineer en jou identiteit probeer beswadder is baie afhanklik van jou.Sonder ons kan hulle nie klaarkom nie al se hulle wat.
    NS: Kom ons kweek tog n nasie trots by van ons jeug wat tans besig is om die Afrikaners se waardes te verloor.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

sixteen + 14 =