Zuma ANC JeugligaPresident Zuma se erkenning verlede week dat die ANC in die moeilikheid is, het heelwat mense verras. Niemand is verras oor die feit dat die ANC in die moeilikheid is nie, maar wel omdat Zuma bereid was om dit op ‘n openbare verhoog te erken.

Die ANC is besig om al hoe dieper in die moeilikheid te beland. Gedurende die eerste vyftien tot twintig jaar na 1994 kon die party in ‘n redelike mate aan die verwagtinge van sy ondersteuners voldoen. Suid-Afrika het na 1994 ‘n tyd van goeie ekonomiese groei en buitelandse beleggings beleef. Die staat se inkomste het vir jare skerp gestyg wat die toekenning van welsynstoelaes aan miljoene mense, die bou van huise, skole, hospitale en ander infrastruktuur moontlik gemaak het.

Die afgelope tyd het dit al hoe moeiliker begin raak. Suid-Afrika doen al hoe slegter op internasionale ranglyste wat lande volgens misdaad, korrupsie en ekonomiese omstandighede beoordeel. Dit gekoppel aan die talryke skandes en probleme met dienslewering en infrastruktuur soos die land se elektrisiteitsnetwerk, veroorsaak dat oorsese beleggers toenemend skepties is om in Suid-Afrika te belê. Die land se ekonomie sukkel om skaars teen 2% per jaar te groei en met ‘n skerp bevolkingsaanwas beteken dit dat die probleme van armoede en werkloosheid onder swart Suid-Afrikaners al hoe minder aangespreek kan word.

Die vakbond Numsa se aankondiging dat hulle ‘n linkse werkersparty op die been gaan bring sorg vir heelwat bekommernisse onder die leierskap van die ANC. Selfs al kry hierdie nuwe party net 4 tot 5% van die steun in ‘n nasionale verkiesing kan die ANC se steun tot net-net bo 50% afgeforseer word.

Die grootste fout wat Afrikaners egter kan maak is om te dink dat ‘n verswakte ANC goed vir ons is. Die vraag wat ons moet probeer beantwoord indien ons risiko’s vir ons eie voortbestaan wil identifiseer, is hoe die ANC sal optree indien hy 5 – 10% minder stemme moet kry. Gestel die ANC kry in die volgende nasionale verkiesing slegs 53% van die stemme, hoe sal die party se beleid verander?

‘n Hele paar ander sogenaamde bevrydingsbewegings in Afrika het dieselfde pad as die ANC gestap. Vir die eerste paar jaar is die party gewild en wen verkiesings met groot meerderhede. Dan begin korrupsie, swak ekonomiese groei en beleid wat oorsese beleggers verwilder, veroorsaak dat die party se ondersteuners onrustig raak. Nuwe, veral populistiese, partye kom tot stand en die regerende party se steun begin daal. Sodra sy steun naby aan 50% kom begin die party te radikaliseer, sondebokke uit te sonder en op hardhandige wyse op te tree. Kyk maar net wat in Kenia en Zimbabwe gebeur het.

Die uitdaging vir Afrikaners is om betyds te konsolideer, konsentreer en binne sterk instellings te organiseer voordat Suid-Afrika ook hierdie stadium bereik. Intussen moet ons nie te bly raak indien dit lyk of die ANC verswak nie. Die Afrikaner kan tans nie ‘n gekweste ANC-regering bekostig nie.

Blog Single

‘n Verswakte ANC nie noodwendig goed vir ons

by | Des 2, 2014 | Nuus | 8 comments

8 Comments

  1. Gert

    Ek stem saam

    Reply
  2. Gavin Reid

    Verskoon my, Afrikaans is nie my eerste taal nie.
    I believe now, more than ever, Afrikaans folk MUST now stand together and form a strong unity, if, for no other reason, to protect themselves from the fallout of what is going to be the end of the ANC.
    The world has seen what South Africa has become and have collectively turned their backs on us. Look inside for the solution , it can be found.
    Through the electronic media, overseas people have been presented with undeniable evidence of what black South Africans have done to this country and their in ability to run it for the people. The black middleclass is getting bigger by the day, and they are NOT happy with what they see. All of a sudden you have a new sector which now have something to lose ( their homes and possessions which they have bought with their own money) They will be the key to topple this overweight, corrupt regime

    Gavin Reid

    Reply
    • Tertius

      Gavin, I agree with you and would like to add my comment, that all ethnic groups in South Africa have been abused, misled and brain-washed by the ANC onslaught and its media engine. I think that the so-called truth and reconciliation program turned out to be more of a ‘lies and pay-back with vengeance’ program especially against the true Afrikaner. The Afrikaner are being terrorised daily by criminals and a host of ANC institutions on all fronts. The Afrikaans speaking population have as a result of this ‘ANC revolutionary program’ lost their ‘cohesion’ in terms of language, traditions, culture and beliefs. I think South Africa will fall into anarchy when the ANC self-destruct, at least for a short while and then only will the true Afrikaner emerge to make every effort to protect itself from total annihilation, but I also think the price to pay are going to be terrible. The sad part to me is that ‘nobody’ on this planet gives a damn about our predicament. All peoples in this country will have to ride out this coming calamity. I personally believe that the true God of the Bible will have His way in the end.

      Reply
  3. Arno

    Ek stem honderd persent saam, Jaco. Ek het reeds vanaf die ontstaan van die EFF besef dat die groot gevaar wat Malema inhou nie soseer is dat hy ‘n verkiesing sal kan wen nie – ten minste nie in die afsienbare toekoms nie – maar eerder dat die EFF se relatiewe goeie vertoning by die stembus tot ‘n definitiewe linkse swaai (m.a.w. ‘n radikalisering) van die ANC sal lei in ‘n poging om stemme te behou. Dit kan net sleg vir ons inhou. Grondhervorming, nasionalisering en nog meer rassisme in die vorm van BEE/AA ensovoorts kan in die vooruitsig gestel word.

    Reply
  4. Joffre Papenfus

    Die waarheid is dat sowel ‘n sterk, as ‘n swak ANC is nie in ons volk se belang nie:

    ons ervaar reeds 2 dekades wat ‘n sterk ANC die ekonomie geplunder het;
    ‘n swak ANC sal bloot anargie en magstryd tussen swart volke en belangegroepe soos hierbo vermeld ontketen.

    In een opsig verskil ek:
    Die ANC was nog nooit suksesvol om in verwagtinge te VOLDOEN nie.
    Hulle was bloot in ‘n posisie om te plunder van ander en aan hulle ondersteuners te gee, wat opsigself vandag se krisis geskep het.

    Nie net is die ekonomie tot in die grond in geplunder nie, maar hulle het sedert hulle “struggle”-dae drie geslagte geleer dat dienste en goed is gratis;
    hulle het dieselfde geslagte geleer “blank = ryk” en daarom mag hulle vat wat hulle begeer.

    As volk staan ons opnuut voor ‘n Groot Trek, maar met nuwe uitdagings wat ons innoverend die hoof sal moet bied.

    Reply
    • Arno

      Inderdaad so, Joffre. ‘n Hele nuwe generasie het intussen grootgeword met ‘n bakhand mentaliteit. Dit het die norm geword om af te breek, klippe te gooi, te brand en te staak in die naam van “service delivery” sonder om eers die opsie te oorweeg om hand in eie boesem te steek en iets te skep in plaas van om net te steel en te plunder.

      Reply
  5. Ben

    ‘n Sterk ANC met meer as ‘n tweederde meerderheid kan die grondwet verander en sommer eiendom vat as hulle wil. Dalk is dit ‘n seen dat fragmentasie nou voorkom. ‘n Demokratiese middelklas in stede is ‘n werklkheid wat aan’t wording is. Hopelik sal dit op die langtermyn die bevolkingsgroei in toom hou, want as die meeste jog swartmense besef dat hulle nie werk kry nie, sal daar dalk twee keer gedink word voordat jy neer staatsafhanklikes teel en verwag dat die staatsubsidies net groter moet raak. As Afrikaners bewys het dat die slaagsyfer in skole na aan 100% is, waarom dan nie jou eie mense ondersteun nie?

    Reply
  6. Klaus Klein

    Moet ons ‘n sterk ANC he?

    1 – Nee. Want dit verteenwoordig nie die meerderheid van SA se swartes se mening nie, al stem hulle ANC. Wat lidmaatskap betref, werk die ANC in SA soos die ou Kommunistiese Party in Sowjetrusland: Slegs sowat 1 % van die bevolking is lede (hulle was die nomenklatura) en geniet al die materiele voordele.
    2 – Nee. Want sy leierskap het geen rigting nie, behalwe die een wat gekenmerk word deur “I did not join the ANC to remain a pauper for the rest of my life.” Akademies gekwalifiseerde leiers is skaars, tegnies gekwalifiseerde leiers feitlik afwesig in die ANC. (Ek sou bv. Ramokgopa, die huidige ANC-burgemeester van Pretoria, nie juis tegnies bekwaam noem nie, al het hy blykbaar op papier ‘n siviele ingenieursgraad van Durban-Westville. Hy is suiwer politikus.)
    3 – Nee. Want sy topmense bevat te veel plunderaars. Intussen is daar nie meer baie oor om te plunder nie.
    4 – Nee. Want hy werk deur druk op mense se vrese: Malema (toe nog ANC) in 2009: If you don’t vote for the ANC, you will lose your jobs.
    5 – Nee. Want hy propageer die verkeerde helde. Kyk bv. na Solomon Mashlangu op die internet (wie se naam nou gebruik word om Hans-Strydomlaan in Pretoria te verontsier). Of Winnie Mandela wat aandadig was aan twee moorde – en dit het haar slegs R15000 gekos om daarvan los te kom.
    6 – Nee. Want hy loop agter mense aan en nie agter beginsels nie.

    Waarna moet ons pleks daarvan strewe?

    1 – Die aanmoediging van politieke groepe-groei wat identifiseerbaar is en wat as groepe presteer, onder swartes sowel as onder blankes.

    2 – Ons eie ontwikkeling as groepe.

    3 – Samewerking tussen sulke groepe. Ek dink Orania se belangstelling in die ontwikkeling van ‘n swart dorp in die Ooskaap is ‘n uiters goeie begin in hierdie rigting. Waarop ek nog met spanning wag is die nuus dat daar ‘n groepie mense in Orania Xhosa begin leer het.

    (Dis belangrik om te onthou dat dwang hier nie gaan werk nie, slegs erkenning.)

    Daar is nog baie wat mens behoort te bespreek in verband met mense se lewe in groepe. Die meeste van ons lewe eintlik gelyktydig as lede van baie groepe – in ‘n taalgroep, in verskeie beroepsgroepe, as sportlui, as musiekbeoefenaars, as wetenskaplikes, as amateurtoneelspelers ens.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

8 − two =