fbpx

– Tiaan Theron

“n Huis wat in homself verdeel is, kan nie staande bly nie.”

Dit is die jaar 1993, ek gaan sit in ons TV-kamer(dstv het nog nie bestaan nie) langs my Pa waar hy besig is om te kyk na die terugvoering en verslaggewing van die week se onderhandelings by kodesa….
Ek is 11 jaar oud en verstaan nie veel van die groot woorde wat die oom met die min hare sê nie. Ek hoor darem van wigte en teenwigte, dit maak nie sin nie, maar vir daai oom is dit blykbaar van groot waarde….
Pa verskil heftig en sug soms diep terwyl hy sy kop skud. Hy het die manier om terug te argumenteer, al kan die mense hom nie hoor nie.
Ek verwonder my in sy teleurstelling en frustrasie al verstaan ek nog nie lekker waaroor dit gaan nie, vir my lyk dinge eintlik glad nie so sleg nie, ek het dan n nuwe “Backpaddel” gister gekry….
Ek moet erken ek was as kind nogal lief daarvoor om na grootmense se geselskap te luister.
As ons op die dorp tussen ander mense is, dan verskil Pa in standpunt met baie ander belangerike ooms. Die manne wat “voorvat” noem vir Pa n “verkrampte” en beskuldig hom dat hy oningelig is. Party lag hom en die bietjie ondersteuners wat hy het, openlik uit en ek sien elke keer as ons in die veld met die bakkie ry en gesels, hoe daai lag en spot se wonde dieper oopkeep…..
Vandag is Pa oud en ja oor baie dinge is hy verbitterd, soos baie van sy maatjies van ouds. Ek verstaan nou beter waaroor hy so heftig verskil het en wat hy bedoel het toe hy een aand na nog n TV verslag met die oom met die min hare, vir my sê: “My kind, die valbyl het oor die kop van my volk geval”

Intussen het ek baie van daai ooms wat jare terug heftig met Pa verskil het, sien nader staan en met hom sien saamstem en amper as ware hul hand so versigtig na syne begin uitsteek….maar Pa en sy maaitjies sukkel met die handevat ding. Daai oopwonde wat gesny is met lag en spot en belaglik maak en beskuldigings van verkramptheid, gaan nie vanself gesond raak nie. Hulle het spesiale behandeling nodig, hulle kort die salf van erkening en die pleisters van jammer sê….
Daai wonde het by baie van Pa se maatjies ontsteek en septies geraak en die kanse van genesing is maar skraal, maar ek bly hoop…

Want n huis wat in homself verdeel is, kan nie staande bly nie, en ek en my kinders woon nou in daai vervallende huis…..

Of daai valbyl wat in 1992 geval het ons volk se dood beteken het of nie, is in die hande van ons wat nou leef, ek weier om op te gee!

Sterkstaan Boerevolk……. Sterkstaan!

(Die van julle wat die oom met die min hare ken, stuur vir hom groete en sê vir hom sy wigte en teenwigte werk nie.😉)

Blog Single

“My kind, die valbyl het oor die kop van my volk geval”

by Jun 18, 2019Uncategorized0 comments

0 Comments

Submit a Comment

Jou e-posadres sal nie gepubliseer word nie. Verpligte velde word met * aangedui

1 × four =