’n Afvaardiging van vyf persone van die Orania Beweging en Orania Dorpsraad is tans op besoek aan Europa. Die Orania Beweging onderneem elke tweede jaar ’n skakeltoer na Europa. Oor die afgelope paar jaar het die ondersteuning vir Orania in Europa wesenlik toegeneem en vyf lande, insluitende Nederland, Vlaandere, Duitsland, Oostenryk en Suid-Tirool word vanjaar besoek.

Tydens vanjaar se toer is 46 afsprake met organisasies, politieke partye, ondersteuners en potensiële ondersteuners geskeduleer. Tydens die eerste helfte van die toer is Nederland en Vlaandere besoek. Bande is gesmee met munisipale rade, burgemeesters, nasionale politici, burgerlike organisasies, akademici, kerkleiers en gewone individue wat graag meer van Orania wil weet en ons wil ondersteun.

Met die situasie in Suid-Afrika wat tans polities, ekonomies en kultureel versleg is dit vanjaar die fokus van die Orania Beweging om Europese leiers bewus te maak van die politieke onstabiliteit in Suid-Afrika sowel as van die erge misdaad en die aanslag op Afrikaans en Afrikanerkultuur wat tans beleef word.

Orania as alternatief vir Afrikaners word toenemend in Europa positief ontvang en wesenlike steun is die afgelope twee weke vir ons strewe gemonster. Oor die volgende paar dae sal gesprekke met ondersteuners, potensiële ondersteuners en politici in Duitsland, Oostenryk en Italië gevoer word.

Behalwe vir die politieke skakeling, is die Orania Beweging ook daarop gefokus om lede in Europa te werf en fondse vir maatskaplike projekte in Orania in te samel. Beleggers word ook vir die Orania Groeifonds gewerf. Verskeie Europese instellings het hulself reeds bereidwillig verklaar om fondse vir die Beweging se volgende groot behuisingsprojek in te samel.

Blog Single

Europese skakeling bereik nuwe hoogtes

by | Okt 8, 2016 | Nuus | 4 comments

4 Comments

  1. Trevin

    Hierdie is inderdaad baie goeie nuus en wil voorkom asof daar ‘n pasverandering besig is om plaas te vind in die vooruitstrewe en ontwikkeling van Orania. Sonder internasionale hulp sal dit maar sukkel-sukkel gaan (meeste Afrikaners moet nog uit hulle droom-koma wakker word), maar met hulp, van vriende en goedgesindes, kan die pas versnel word (wat eintlik nodig is om die getalle daar te kry wat verdere infrastruktuur ontwikkeling moontlik sal maak – soos bv hospitale en universiteit).

    Die groeifonds, as dit se maar 6 – 7% opbrengs kan volhou, moet op die stadium baie aantreklik lyk vir Europeers.

    Reply
  2. Willem Fourie

    Uitsekend !!

    Reply
  3. Ilse Ceronio

    Baie geluk met die onderneming. Dis belangrik vir ons Afrikaners om op ons regte te staan en ondersteunung van die buiteland te kry. Wonderlik.
    Ek dink ek kry reeds al die nuwe artikels, dus sal ek nie weer inskryf nie.
    Ek is lid en betaal my bydrae maandeliks deur ABSA
    Groete van Ilse

    Reply
  4. Marcel Bas

    Goeie nuus!

    Dit is moontlik dat hierdie hernude belangstelling vir Afrikanerselfbeskikking in Europa veroorsaak word deur die toegenome onbehae onder oorspronklike Europeërs ten aansien van massa-immigrasie. Die hoofsaaklik ekonomiese migrante wat besig is om dié kontinent gedurende die laaste dekades te oorspoel, verlaat hulle eie lande op pad na ‘n beter blyplek met ‘n beter lewe. Hulle het beskikking oor twee vaderlande: die nuttige en maklike vaderland in Europa, en die vaderland van die familie, kultuur en die eie (Turkye, Marokko, Afghanistan, Somalië, Nigerië, ens.).

    Europeërs, soos Nederlanders, het egter net een vaderland; Nederland. Hulle sal nie sommer hul goed pak en trek as hul oorspronklike land al hoe onaangenamer word nie. Daar is nie so veel alternatiewe in die wêreld nie. Maar Europa word wel al hoe onaangenamer ten gevolge van massa-immigrasie.

    Vroeër was amper alle Nederlanders Nederlands. Die gevoel van selfbeskikking wat hulle toe geniet het is nou ernstig versteur. Die verskil tussen Nederlandse staatsburgerskap en Nederlandse volkswese is opgehef en Nederlanders bevind hulleself nou as ‘t ware vasgevang binne hul eie nasiestaat, wat ál minder húlle nasiestaat geword het.

    Daar is dus ‘n behoefte aan ‘n nuwe selfbeskikking in Europa; ‘n nuwe manier om met jou eie mense ‘n toekoms te skep. Orania is ‘n eietydse, positiewe voorbeeld van ‘n dergelike volkseie organisasiewyse.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

14 + six =