Vriend van Orania: Vlaamse Parlementslid maak stem dik teen BELA-wet

Foto: Kristof Slagmulder in die Vlaamse Parlement

Om internasionale vriende te hê wat Orania en die Afrikaner se saak ondersteun, was nog altyd vir die Orania Beweging belangrik. Om verhoudings te bou beteken dalk toekomstige erkenning vir Orania, wat natuurlik vir ons baie belangrik is. Om egter vriende te hê wat ons moreel ondersteun, ons met fondswerwing help en ons saak by ander regerings help stel, is net so belangrik.

Die Orania Beweging en Orania Ontwikkelingsmaatskappy het in 2022 met ʼn skakeltoer uitgereik na Vlaams Belang, ʼn nasionalistiese Vlaamse party in België. Vlaminge is die Afrikaner oor die algemeen baie goedgesind en baie ondersteunend teenoor hulle “broedersvolk, die Afrikaners”. Ons vind gemene grond op waardes, politiek en natuurlik ook in taal, waar Afrikaans en Vlaams baie naverwant is.

Kristof Slagmulder, ʼn Vlaamse Parlementslid van Vlaams Belang, het verteenwoordigers van die Orania Beweging in 2022 ontmoet en ook daarna ʼn besoek aan Suid-Afrika en Orania gebring. Onlangs het hy homself sterk teen die BELA-wetgewing uitgespreek en die skade wat dit aan Afrikanerkinders sal doen as hulle ouers nie meer insae in hulle skoolopleiding het nie. Kristoff het die Minister-President in die Vlaamse Parlement gevra of hy van klousules 4 en 5 van BELA bewus is, en of hy bereid is om Afrikaans te help beskerm in Suid-Afrika te help beskerm.

Orania is dankbaar vir ons internasionale vriende!

‘n Video van dié interaksie in die Vlaamse Parlement, sowel as ʼn video wat Kristoff vir die Orania Beweging gestuur het waar hy Afrikaans praat, is hier te sien: