Geen verkiesing in die wêreld trek soveel internasionale aandag en maak mense so passievol soos die Amerikaanse presidentsverkiesing nie. Meeste Afrikaners, en beslis meeste Oraniërs, het waarskynlik gehoop vir ʼn oorwinning vir Donald Trump en die Republikeine, wie se konserwatiewe en grondvlakdominos-falling2-gerigte beleid vir ons nader voel as die globalistiese “een-wêreld” en sosiaal-liberale beleid van Hillary Clinton en die Demokrate. Donald Trump het talle mense se verbeelding aangegryp omdat hy ʼn uitgesproke anti-establishment kandidaat was (ongeag die feit dat hyself uit die ryk establishment kom en sy leefwyse alles behalwe ʼn voorbeeld van die smal weg is).

Die vraag wat vir ons veral interessanter behoort te wees, is wat Trump se verkiesingsoorwinning vir ons beteken.

Amerika het nog altyd die internasionale toneel oorheers en die rigting voorgegee, veral vir die Weste. Ook die kultuur van die Weste word grootliks deur Amerika bepaal. Barak Obama se verkiesing in 2008 was die slotsteen en voorlopige hoogtepunt van die Weste se golf van selfverloëning, wat al in die 1960’s begin het. “Die eerste swart president” is veral deur witmense binne en buite Amerika so opgehemel omdat daarmee die ewige skuld van onderdrukking en diskriminasie, waarmee elke Westerling gevoed word, simbolies betaal is. Obama kon immers nie president word sonder die steun van groot getalle wit Amerikaners en van die media nie. Daardie gety van ʼn links-liberale elite in die media, die kunste en die akademie wat die politieke keuses voorskryf en wat die “gewone mense” met minagting behandel en wat alle tradisionele waardes op sy kop keer en diegene wat daarteen is in die sterkste taal veroordeel, is egter besig om uit te loop.  ʼn Nuwe gety, of teengolf, is aan die opbou. Dit is al geruime tyd in Europa sigbaar, waar partye wat staan vir identiteit en die behoud van die eie ten spyte van die totale afkeur deur die meningsvormers al hoe beter doen en in sekere lande, soos Pole en Hongarye, uitgesproke Christelike nasionaliste regeer.

Vir die saak van die Afrikaner is dit van betekenis dat die media se groot mag besig is om te taan. Ons saak is nog altyd deur die media afgekraak en verdag gemaak. Een negatiewe artikel oor Orania in ʼn landswye, Afrikaanse nuusmedium, en voornemende besoekers kanselleer hulle besprekings of voornemende inwoners besluit anders, of so was dit in die verlede. Intussen steur al hoe minder mense hulle aan die amptelike, hoofstroom-media en gebruik die sosiale media. Dat iemand soos Trump, wat bykans geen amptelike ondersteuning van prominente nuusmediums gekry het nie, trouens wie se skandes wyd en syd verkondig is terwyl mev. Clinton sʼn onder die mat ingevee is, kon wen, wys hoe sterk die media se mag al uitgekalwe is. Dié toedrag van sake, wat in ʼn mindere mate ook in Suid-Afrika aanwesig is, baat ons saak geweldig.

Verder het Trump ook die houvas van politieke korrektheid gebreek. Die spektrum van dit wat aanvaarbaar is en wat gesê mag word, het al hoe kleiner geword en talle woorde en onderwerpe wat niemand in die onlangse verlede gepla het nie, is nou verbode terrein. Daar is al hoe minder verskille in opinie in openbare debatte, omdat allerhande dinge wat nie inpas by die links-liberale paradigma nie, nie meer gesê mag word nie. Dat rassistiese skelwoorde uit is, is seker vanselfsprekend, maar dat om bloot na verskillende volke, geslagte, waardes en mentaliteite te verwys al rassisme, seksisme ensovoorts en dus verbode is, maak enige debat onmoontlik en laat almal uit vrees vir viktimisasie dieselfde niksseggende en huigelende gebrabbel uiter. Trump is iemand wat sê wat hy glo, al is dit hoogs polities-onkorrek, en al die aanvalle van die wagters oor politieke korrektheid het hom nie geskeel nie, en nog belangriker, sy ondersteuners nie gepla nie. Sy ondersteuners is die gewone Amerikaanse hoofstroom, anders kon hy nie verkies word nie. Dit is allermins net “rassistiese, seksistiese ou gefrustreerde mans”, soos die media ons wil laat glo. Die kloof tussen die elite in hulle ivoortoring en die “gewone mense” was nog altyd groot, maar anders as in die verlede het die gewone mense ook nou danksy die sosiale media ʼn spreekbuis en kan opinies nie meer so maklik gefilter word nie.

Laastens is die Trump-oorwinning ʼn sterk boodskap dat die eie weer belangrik is. Trump het van die begin af as nasionalis opgetree. Die belange van die VSA en sy mense kom eerste, nie die van multinasionale maatskappye en van buitelandse magte soos Sjina nie. Ons saak van selfbeskikking en sorg vir ons mense en behoud van ons kultuur het tot baie onlangs ʼn uiters moeilike stand gehad, omdat dit so lynreg ingedruis het teen die logika van globalisme en die “Een Wêreld Beweging”. Om te sê dat jy in jou gemeenskap vir jou eie mense werk gee en jou eie produkte koop is as “xenofobies” en “rassisties” en veral as heeltemal uit tred met die tyd beskou. Vermenging en die grootste moontlike getal vreemdes in jou midde is as verryking en as wenslik gesien. As die internasionale klimaat nou verander en volke begin besef dat globalisme hulle meesal benadeel en net ʼn klein, identiteitslose elite bevoordeel, is ons saak van selfstandigheid en behoud van die eie baie makliker verkondigbaar.

Blog Single

Trump se oorwinning-wat is die implikasies vir ons?

by | Nov 10, 2016 | Nuus | 13 comments

13 Comments

  1. Pieter van Niekerk

    Uitstekende artikel. 10/10!

    Reply
  2. Trevin

    Die algemene feit is dat Donald Trump ‘n beter resultaat vir Orania is as wat Hillary ooit sou wees…inteendeel Hillary sou ‘n vyand wees vir enige persoon wat vryheidsideale het (dus ook Orania).

    Nou dat Trump verkies is voel dit of die onweerswolke so bietjie aan die kwyn is (Obama was maar slegte nuus vir vryheid) en ons moet Orania NOU ophou so vinnig as moontlik terwyl die wereld omstandighede ietwat vriendeliker is.

    Ek sien uit na al die opkomende verkiesings in Europa volgende jaar om te sien of die nuwe vryheid van kulturele marxisme (PK) ook die Europeers sal aan moedig om die kettings van die politieke klas te breek. Dit kan net baie goed vir ons saak wees.

    Reply
  3. Jan Malan

    Die oorwinning van Trump sal nie direkte implikasies inhou vir Orania nie, daarmee bedoel ek nou politiese hulp uit die WitHuis uit, ek hoop inelkgeval ek is verkeerd wat dit aanbetref.

    Maar die opkoms van ‘n Konservatiewe Regse politieke uitkyk en nasionalistiese strewe van mense in Europa en ook die VSA het die Liberale op hol. En Trump se oorwinning is nog iets wat die linkses se broek laat bewe, dit is dan ook ‘n teken vir die Regs denkende Europeers dat ‘n oorwinning oor die linkse “establishment” moontlik is. BrExit het ook ‘n groot rol gespeel om hierdie beweging aan die rol te sit, ek glo stellig ook dat as dit nie vir BrExit was nie Trump dalk nie die oorwinning sou behaal het nie. In 2017 is daar verkiessings in heelwat Europese lande en met die momentum wat die Konservatiewe regse uitkyk tans op bou is ek amper seker dat die meeste van daardie verkiesings in die guns van die Regsdenkendes gaan wees.

    Dit sal dan vir ons as Afrikaners tot voordeel wees omdat ‘n grooter deel van die wereld gaan raaksien en optree teen oor ons vyande. Ons sal dus meer bondgenote he in die wereld, en heel moonlik ook steun ontvang om self beskikking ‘n werklikheid te maak. As ons eers politieke steun het van verskeie lande sal dit ‘n nuwe nasionalistiese beweging plaasvind sonder veel teenkanting van die gemidelde draadsittende Afrikaner.

    Vir nou is dit belangrik dat Orania se bewoners hulle daartoe verbind om ‘n goeie beeld uit te straal.

    Reply
  4. Ludwig

    Goeie artikel Sebastiaan, stem saam.

    Net op ‘n punt van orde. Van julle (nie die skrywere nie) verwar konserwatief met regs. Daar is geen manier dat Danie Troef (Trump) konserwatiewewaardes het nie. Deels wel, maar oor die algemeen nie. Getroud met sy derde vrou, om maar een voorbeeld te noem.

    Verder op ‘n twee-assige grafiek waar links en regs die vrye mark uitbeeld en op en af vrye denke is. Sit tannie Hillary en Danie Troef baie na mekaar in die selfde kwadrant, regs-bo.

    Dit gebeur wynig dat twee opposisie partye se kanidate so na aan mekaar sit. Selfs oom Bennie was veel meer links as tannie H. Gaan kyk self waar julle sit op die stelsel. Soek vir politicalcompass op die internet.

    Reply
    • Renea

      Ek vra maar net …… hoekom die man Danie Troef noem (hy het mos n naam – Donald Trump) en Tannie Hillary (rerig???? Tannie??? is sy familie van u?) Hillary Clinton is haar naam.

      Dankie

      Reply
      • Willem Fourie

        Dan Troef is heel vindingryk

        Reply
  5. Willem Fourie

    Libertariër Ron Paul (vorige kandidaat) wil optimisties wees, maar meld dat hy heelwat goeie bedoelings al in sy lang jare ondervind het, maar die “diep staat” is te gevestig.

    Dis dié dat hy ‘n goudstandaard (moeilik werkbaar) voorstaan, want hy vertrou eenvoudig net so min die politici met ons geldeenhede as die privaat banke van vandag.

    In teenstelling met Bill Still (ook voorheen kandidaat vir president gewees) wie van mening is dat staatsbeheerde reserwebanke beheer ook die geldvoorraad moet handhaaf.

    Mooi loop

    Reply
  6. Bernard Harley

    Dankie vir ‘n goeie artikel waarmee ek saamstem. Al die polities-korrekte Afrikaners wat bang is vir die regering van die dag in die huidige SA braak gaak gal oor Trump. Waar is die mannemoed wat ons voorouers aan die dag gelê het en SA mak gemaak het. Ek dink die meerderheid Afrikaners glo nog steeds die liberale twak wat hulle in die koerante lees en wat die meeste van ons geglo het sedert die middel sestige jare. Hoe totaal en al verkeerd was die Amerikaanse pers en meningpeilers nie. Dit gels ook vir die Suid Afrikaanse pers wat nie aan Afrikanersake berigte wil plaas en ondersteun nie.
    Groete

    Reply
    • Willem Fourie

      Ja, daar is tog niks fout om ons eie kultuur voor te staan, soos wat ander aangemoedig word met hulle s’n nie.

      Reply
  7. Willem Brinkman

    Ons was bekommerd oor die uitslag, dit het goed gegaan. Nou bij ons in Nederland die komende jaar. Veel onzekerheid bij bestaande partijen zoals VVD en PvdA en D66, hoe moet ons verder.

    Reply
  8. Robbie

    Baie goeie artikel. “Dat iemand soos Trump, wat bykans geen amptelike ondersteuning van prominente nuusmediums gekry het nie……..”
    Die enigste TV nuuskanaal wat sonder twyfel aan Donald Trump se kant was, is RT (Russia Today)(DSTV Kanaal 407). Die vreugde na sy oorwinning en al die positiewe kommentare was iets wat mens weer laat moed skep. Hulle het ook ‘n groot gek gemaak van al die liberaliste se trane en teleurstellings oa die traumaberading sentrums wat skielik tot stand gekom het en die telefoon hulplyne wat mense kan bel wat aan “Post Trump stress disorder” ly.

    Ek stel voor die Orania beweging raak bevriend met dié TV kanaal se bestuur.

    Reply
  9. Salome Opperman

    Ja, dit was so bietjie lekker om te sien hoe die “lamestream” media amper n hartaanval gekry het. Oe, en die klomp van Hollywood het behoorlik getjank. Dis min dat mens kan voel: “Kry vir julle.” Maar na alles het Trump verbintenis met die Jesuite, en mens wonder of die magspeling nou tussen die klompe daar bo is. Ons kan maar net wag en kyk. Ek kan ook nie help om te dink aan die versie in die Bybel wat ons waarsku om nie op vlees te vertrou nie. Miskien is Amerika en die wèreld ryp om gepluk te word. Hier in Australiè het dinge ook meer konserwatief gedraai, maar dit gesè, is die mense maar Goddeloos en het nie n saak met ons Vader nie. Interessant genoeg is Trump as president verkies op n episode van die “Simpsons” al in die jaar 2000. Die kamma komedie het al hoeveel dinge voorspel – o.a die 9/11 aanval. Dit laat mens wonder wie nou eintlik die toutjies trek. Op die ou end kan mens jou net in een ding verbly: ons Vader is ons helper. HY is ons krag, ons rotsvesting – die EEN wat ons werlik kan vertrou.

    Reply
    • Robbie

      Kyk gerus hierna: http://www.eutimes.net/2016/03/mormon-mafia-and-jesuit-assassins-target-freemason-leader-donald-trump/

      Mens sal nooit weet wat presies die waarheid is nie. Ongelukkig lyk dit wel dat Trump ‘n vrymesselaar is. Dit is ‘n ander vraag of hy hom by reëls gaan hou. Blykbaar is hy ‘n man wat graag sy eie reëls maak en hom hopelik minder of glad nie deur die vrymesselaars gaan laat voorskryf nie. So ‘n stap kan hom ‘n teiken vir ‘n sluipmoord maak.

      Ek het nogal hoop dat hy sy bes sal doen om deur te voer wat hy belowe het. Met vandag se tegnologie is dit baie maklik en vinnig om gou te wys “maar hier het jy dit en dit gesê en nou moet jy doen”. Ek glo nie hy sal sommer sy naam Bollie wil maak nie. Een ding is seker en dit is dat hy gedruk gaan word om Hillary tronk toe te stuur. Indien hy dit deurvoer verdien hy groot eer.

      Ek voel hy is groot dank verskuldig aan Julian Assange. Sonder alles wat hulle (Wikileaks) kwyt geraak het omtrent Hillary se onderwêreld sou hy dalk nie gewen het nie. Hy behoort vir Teresa May te sê om hom kwyt te skeld van vervolging sodat hy die Ecuador Ambassade kan verlaat.

      Reply

Submit a Comment

Jou e-posadres sal nie gepubliseer word nie. Verpligte velde word met * aangedui

twenty − 9 =