RhodesTans woed die debat oor die moontlike verwydering van die standbeeld van Cecil John Rhodes op die kampus van die Universiteit van Kaapstad in die media. Dis na my wete die eerste standbeeld van ‘n nie-Afrikaner wat in die gedrang is, nadat talle beelde van Afrikanerleiers reeds verwyder is of in gedrang is.

Ons kan sê dat Rhodes vir dinge gestaan het wat lynreg teen die Afrikaner se vryheidstryd was soos Britse imperialisme en internasionale kapitalisme en dat hy een van die aanstigters van die Anglo-Boereoorlog en die Jameson-inval was. Dit bied aan Afrikaners genoeg rede om te sê dat hy verdien om verwyder te word. Sentimente vir Rhodes het ek beslis nie maar die aanslag op sy beeld laat my wel ongemaklik voel omdat dit lyk na die volgende fase van swart kulturele transformasie. Dit baat ons as Afrikaners niks as die wit Engelssprekendes se geskiedenis nou ook aangevat word nie want dit verteenwoordig die poging om die nalatenskap van wit mense in Suid-Afrika weg te vee. As dit met kommunistiese ywer bedryf word stuit dit voor niks nie. Dit vind veel meer in fases plaas: eerste word die beelde van “apartheidleiers” soos Verwoerd verwyder, dan is dit volksleiers uit die tyd van die Boererepublieke, volgende is dit skrywers en digters (soos met Totius reeds gebeur het), eintlik alle standbeelde van witmense behalwe diegene wat deel van die “struggle” was soos Bram Fischer of Beyers Naude. Ook in Zimbabwe is die Rhodes-standbeeld, immers die skepper van die land, verwyder voor in die volgende fase wit mense se plase gevat is in ‘n poging om terug te keer na ‘n verlede voor die koms van Europeërs na Afrika.

Die verwydering van standbeelde in Suid-Afrika is die simptoom van ‘n haat op die geskiedenis wat tot onlangs toe deur wit mense bepaal is en die poging om alle geskiedenis voor 1994 uit te vee en met ‘n soort “reboot” by nul te begin. Dat die oorwinnaars hulle eie helde vereer is vanselfsprekend en dat daar nou oral Mandela-beelde opgesit word behoort niemand te verbaas nie. Afrikaners het na 1948 ook hulle stempel deur middel van talle monumente afgedruk, maar sonder om beelde van Rhodes of koningin Victoria te verwyder. Die Afrikaner-era van Suid-Afrika, wat breedweg van 1924 tot 1994 (of volgens ander interpretasies van 1948 tot 1994) geduur het is as nuwe laag bo die geskiedenis van Engelse oorheersing wat daar voor was, geplaas. Afrikaners het nie probeer om die stempel wat Engelse op Suid-Afrika afgedruk het, al was dit grootliks verbind met geweld en onderdrukking van Afrikaners, te ontken en uit te vee nie.

Enige volk moet vrede met sy geskiedenis en die geskiedenis van sy land maak om homself en sy plek binne die wêreld en die eie land te begryp. Dit wat was, was dikwels sleg, maar is nogtans ‘n onvermydelike boublok vir ‘n beter hede. Vir Afrikaners was die tyd na 1948 ‘n goue era van voorspoed en vooruitgang, maar dit is opgebou op die koloniale skepping van die Unie van Suid-Afrika en moes toegewings aan die Engelse minderheid maak om te slaag, soos tweetaligheid en ‘n konsensus-vlag wat ook die Britse erfenis erken het. ‘n Terugkeer na die landelike Boererepublieke was net so onmoontlik soos wat vandag ’n terugkeer na ’n geïdealiseerde Afrika voor Jan van Riebeek moontlik is.

Die links-radikale geskiedenisbeskouing, wat talle swart asook linkse wit intellektuele aanhang, is egter een van herskepping uit niks. Voor dit kan plaasvind moet die ou orde so totaal en al vernietig word dat mense vergeet dat daar ooit iets soos ‘n geskiedenis was voor die bewindsverandering. Volgens die siening het Nelson Mandela in 1994 ‘n wonderlike reënboognasie geskep waar daar voor die tyd net geweld en onderdrukking was. Die tydperk voor 1994 is as t’ ware taboe en soos wat die skepping van die wêreld en die tyd per definisie met die woorde “laat daar lig wees” begin het, het die tyd van die reënboogland van gelykheid en regverdigheid met die verkiesing op 27 April 1994 begin.

Mense wat die geskiedenis navors en eras met mekaar vergelyk, kan nie anders as om hulle huidige omstandighede in perspektief te plaas en om tot die gevolgtrekking te kom dat nie alles in die verlede sleg was nie en dat die huidige tyd ook nie van ewige duur is nie. Dit is juis dit wat totalitêre bewinde wil vermy. Mense moet glo dat die huidige tyd die beste van alle tye is en dat net die bestaande bewind dit waarborg. Om te dink dat die bewind ooit kan verander word as hoogverraad gesien. Gelukkig is Suid-Afrika geen totalitêre land nie en is toegang tot inligting nog vrylik beskikbaar. Die onkritiese ophemeling van hulle eie helde en die gelyktydige verdoeming van almal wat nie deel van die struggle was nie deur die ANC verteenwoordig egter die soort geskiedenisbeskouing wat ook in totalitêre bewinde aangetref word. ‘n Nugtere blik op die geskiedenis is nodig, ongeag of jy jou eie geskiedenis of ‘n ander volk se geskiedenis bestudeer. Jy mag helde hê en hulle vereer, maar jy moet hulle nie verafgod nie. Net so kan jy ook nie ‘n geskiedkundige persoon net op grond van een daad of een uitspraak beoordeel nie. Swart intellektuele en politici, wat so graag die teerkwas swaai na wit mense en hulle “kolonialisme”, moet hulle eie geskiedenis ook krities ontleed en wegkom van die idee dat alle swart mense wat teen wit oorheersing geveg het helde was en dat die doel van swart bevryding die middele soos brutale moorde op witmense en swartmense wat nie wou meedoen aan die “struggle” nie, heilig.  Ook figure uit die vroeëre verlede, soos Shaka Zulu moet krities ontleed word.

Om terug te kom tot Rhodes: of ons as Afrikaners van hom hou of nie, hy was een van die persone wat Suid-Afrika en selfs die buurstate gevorm het. Sonder Rhodes sou daar geen moderne staat Zimbabwe, Zambië, Malawi en Botswana wees nie en Suid-Afrika sou heel waarskynlik anders gelyk het. ‘n Standbeeld van Rhodes, soos enige monument, behoort mense in die eerste plek aan te moedig om meer oor die persoon en sy tyd te lees en begrip van hulle eie tyd te ontwikkel. Natuurlik is daar persone wat so veel ellende en dood veroorsaak het dat volke liefs van hulle wil vergeet en hulle spore wil doodvee, soos Hitler, Pol Pot of Stalin. Van geeneen van Suid-Afrika se geskiedkundige figure kan dit egter gesê word nie.

In Orania word ons dikwels gekonfronteer met die kamstige verering van “apartheid-leiers” in die vorm van die Monumentkoppie en die Verwoerdmuseum. Ons staan by ons geskiedenis en erken die rol wat die persone gespeel het wat uit ‘n Afrikaner-perspektief grootliks positief was, sonder om egter hulle foute te ontken en hulle te verafgod. Dat ‘n spesifieke Afrikaner-dorp soos Orania Afrikaner-persoonlikhede vereer wat vir die Afrikaner se bemagtiging gestaan het en nie Engelse of swart mense nie, is vanselfsprekend. Dat ons nie Afrikanerleiers vereer wat aanhangers van die Britse Ryk was, of wat Afrikaner-selfbeskikking weggeteken het, is ook vanselfsprekend. Dat ons tans veral beelde van politici uit die meer onlangse verlede het en nog nie van Boeregeneraals of Afrikaanse skrywers of sakemanne nie hang ook maar saam met die beskikbaarheid van beelde. Hopelik sal ons in die toekoms ‘n wyer spektrum Afrikaners se beelde kan opsit.  Deur die beelde wat so vêr soos in die tydperk van die Boererepublieke terugstrek erken ons ons geskiedenis en ons wortels, die goeie en die slegte en bou daarop die nuwe Afrikanertoekoms, wat deur nuwe simbole soos die “Klein Reus” ingelyks verteenwoordig word. Dit sou egter ongeloofwaardig wees en as’t’ ware ‘n poging om ‘n boom sonder wortels te kweek as ons maak asof niks voor die stigting van Orania bestaan het nie en die Afrikaner se geskiedenis niks met ons te make het nie. Dan was Orania nie ‘n Afrikanerdorp nie, maar net ‘n landelike nedersetting waar mense net veiligheid en natuurskoon soek, soos daar talle oor die wêreld heen is.

Sebastiaan Biehl is `n navorser by die Orania Beweging.

Blog Single

Standbeelde en die beskouing van die geskiedenis

by | Apr 2, 2015 | Nuus | 24 comments

24 Comments

  1. Joffre Papenfus

    Die positiewe hieruit is dat die haat wat uit ANC- en ander kringe aangeblaas word teen blankes en blanke erfenis nou uitbrei:

    hopelik skud dit mense wakker uit die vals gerustheid van afgelope dekades.

    Maar hier is ou ‘n litmus-toets: gaan die wat luid om die braaivleis-vuure roep “Ek is ‘n Afrikaner/Boer” nou opstaan en doen wat nodig is?

    Gaan hulle protes aanteken, maar indien nodig hand in eie boesem (en sak) steek om ons erfenis te beskerm?

    Reply
    • Anita

      Dit sal goed en reg wees om protes aan te teken om ons erfenis te beskerm maar is dit die pyn werd om jou hartseer teen ʼn klip uit te slaan? Dit is hoe dit gaan voel om so op te tree teen die spul wat so graag dink dat die geskiedenis verantwoordelik is vir al die probleme wat hul vandag in die gat byt. Mense, jul moes sien hoe die trane los uit my ouma se oë val toe sy die Goue Akker, in 2001, gaan sien vir die eerste keer sedert sy in die Kaap op universiteit was in die 1960’s. Dit is net so pynlik soos die monumente en naamveranderings kwessies. Kan die monumente verskuif word na plekke waar hul gerespekteer is?

      Reply
  2. Hector Jooste

    This latest gulf of black idiotism regarding statues and monuments of civilisation in SA, undisputedly shows the fact that SA is run by a endless dynasty of barbaric children of the devil, the god of chaos.

    Reply
  3. Sebastiaan

    Matt Heyns (as dit ooit ou regte naam is), almal het nou kennis geneem van jou haat op die Christendom. Moet dit nie by elke artikel honderd keer sê nie. Jy mors tyd en spasie. Begin jou eie blog, dalk lees iemand dit.

    Reply
  4. Sebastiaan

    Lewer dan insiggewende bydrae wat met die onderwerp verband hou (‘n wenk: die onderwerp is nie godsdiens en hoe die Christendom deur sonaanbidding of ander heidense praktyke beinvloed is nie).

    Reply
  5. Victor Correia

    Dankie vir die insiggewende artikel. Ek dink dit is ‘n goed gebalanseerde artikel.

    Dit het my noggal getref dat die verskillende manier wat die vorige regering en die huidige regering die “Rhodes” standbeeld hanteer het, iets verklap van elkeen se kultuurbeskouing. Bou ons voort op dit wat goed was in die gebroke verlede, of breek ons af.

    Reply
    • Sebastiaan

      Dankie Victor.

      Reply
  6. Johan Kruger

    Groete Sabastiaan, baie goeie artikel dankie. Ek sien ook jy “gesels” met iemand maar sien geen bydrae deur die “Matt” person nie? Is hy ‘n ongewenste person op die blog?

    Ek woon in Mosselbaai en hier is baie Afrikaners wat hierheen getrek het, soos ek, seker vir die natuurskoonheid en relatiewe lae misdaad. Ek sien dat julle ander stede soos Pretoria besoek en takke stig. Miskien maar dink aan iets soortgelyks in die en George omgewing. Groete daar en geseende paastydperk.

    Reply
    • Sebastiaan

      Hallo Johan, ja, Matt se bydrae, as ‘n mens dit so kan noem, is verwyder omdat dit beledigend is en haatspraak teen Christene en boonop niks met die tema te doen het nie. Hy het al verskeie debate met sy gemorspos gesmoor.

      Reply
  7. Dante'

    Hierdie is ‘n interesante gesprek. Wat vir my pla is dat daar geen intelligente debat plaas gevind het nie. Geen oorweging van ander se opinies nie en geen waardering van positiewe wat tog uit die verlede kom nie. Dit is die gewone ou “we-demand-brigade” wat geseevier het soos ons nou al gewoond is. Maar gaan hierdie demanders nou tevrede wees of gaan hulle net aan beweeg na die volgende ding wat vernietig of getransformeer moet word? Dit is tog soveel makliker om te transformeer en af te breek as wat dit is om te skep en te bou. Dit is hoekom ek so baie van Orania hou, niks word getransformeer nie en alles word van nuut geskep sodat niemand anders enige aanspraak daarop kan he nie.

    Reply
  8. Zetwee

    Ons erfenis moet beskerm word. Orania beskerm baie van ons erfenis op baie tereine, maar ek en jy moet help om te keer dat ons geskiedenis uitgevee word. Staan saam en beskerm ons erfenis. Dankie Orania vir wat julle als doen.Ek stem saam Joffre. Tyd is hier om mekaar te help.

    Reply
  9. A Schlemmer

    Die verskyning van Juluis Malema het die politieke landskap drasties verander. Ek kan nie sien dat enige standbeelde uit ons geskiedenis, staande sal bly nie. Behalwe as organisasies soos Afriform “iets kan regkry”.

    Hierdie, is ‘n baie, baie donker tyd, in die Afrikaner se geskiedenis. Ons, en net onsself, kan ons hieruit red…….

    Puik artikel Sebastiaan.

    Reply
  10. Johan

    Puik!

    Reply
    • Sebastiaan

      Dankie, Johan en A Schlemmer.

      Reply
  11. DMC de Koker

    Totius is bloot geskuif na die Puk kampus toe en staan nou voor die regsfakulteit juis omdat die beeld herhaaldelik vandaliseer is op sy ou staanplek.

    Reply
  12. Bart

    Die huidige situasie is nog steeds net te danke aan dieselfde Khazar KOMMUNISTIESE Rothschild Bankier Jode wat die Anglo Boere Oorlog gefinansier het en waarvan Cecil J Rhodes deel van was. Dis hulle wat van n veroordeelde KOMMUNISTIESE misdadiger en terroris n ikoon gemaak het. Suid Afrika onder die “leiding” van die ANC ( wat swartes steeds net as n front gebruik) is nou geheel en al KOMMUNISTIES. Dit voorspel niks goeds vir ONS nie, en die verweidering van standbeelde is maar net die begin, want van geskiedenis( of enige iets anders) weet hulle NIKS. Al wt hulle weet is dat hy wit was, of so dink hulle, want n Khazar Jode is Asiatiese Mongole
    en van die bloedlyn van Esau en van Jacob nie. Hulle is Sataniste wat die swart ras gebruik vir Volksmoord op die wit Christene van die wereld deur Emigrasie/Immigrasie en moord. Dis ook hulle wat vir Dr. Verwoerd vermoor het. (oa ook vir Lincoln en Kennedy)

    Reply
    • Sebastiaan

      Bart, ek stem nie saam met jou anti-semitiese samesweringsteorië nie. By sekere mense is dit ‘n obsessie om die Jode vir alles te blameer. Rhodes was beslis nie ‘n Jood nie, ook nie Milner, Chamberlain of wie ook al aanstigters van die Anglo-Boereoorlog was. Ook nie Malema, Zuma ens. nie.

      Reply
  13. Arnold

    Slegs ‘n persoon met ‘n gebalanseerde denkvermoe kan so ‘n artikel skryf. Ek hou van jou manier van dink Sebastiaan.
    Wat is jou gevoel oor ‘n standbeeld of iets anders wat FW de Kerk se aandeel in ons Volk se geskiedenis uitbeeld.
    Ek het al voorgestel dat daar dalk ook ‘n Skandmuur opgerig moet word om die mense wat ons Volk skade berokken het, te vertoon.
    Hulle was ook deel van ons geskiedenis. Jou gevoel hieroor sal waardeer word.
    Arnold.

    Reply
    • Sebastiaan

      Beste Arnold, dankie vir die kompliment. In my artikel skryf ek oor die beelde wat ons in Orania het, en dat ons nie Afrikaner-leiers vereer wat aanhangers van die Britse Ryk was (soos Jan Smuts), of wat Afrikaner-selfbeskikking weggeteken het nie, soos FW de Klerk. Omdat ons ‘n spesifieke Afrikanerdorp, en boonop nog ‘n privaatdorp is, hoef ons nie verteenwoordigend te wees nie. In Nkandla, byvoorbeeld, of Ulundi, wat uitgesproke Zoeloe is, sal daar uit die aard van die saak ook geen standbeelde van Britse generaals of Boereleiers wees nie. Suid-Afrika is egter volgens sy eie beskrywing ‘n reenboognasie vir al sy mense (nie net swart nasionaliste nie) en dus moet daar ook plek wees vir standbeelde van wit persoonlikhede wat Suid-Afrika gevorm het. Uit die aard van die saak het sowel Nelson Mandela asook FW de Klerk die nuwe Suid-Afrika gevorm, en alhoewel ek persoonlik nie mal is oor enige een van hulle nie, is daar nie fout as daar vir hulle ook beelde opgesit word as leiers van Suid-Afrika. Vir die Afrikaner was hulle bydrae egter, volgens my, meesal negatief en dus sal daar nie ‘n FW de Klerk of Nelson Mandela beeld in Orania wees nie, maar wel in Johannesburg, Kaapstad of waar ook al.

      Reply
  14. frik

    Mnr of Mev Schlemmer,net ons Almagtige Vader kan ons uit hierdie donker tyd help. Vind dit nodig elke dag om te bid en GOD te vra om die regering en sy gevolg tot n val te bring.

    Reply
  15. Klaus Klein

    Dag Sebastiaan,

    Dankie vir jou moeite wat jy in die artikel oor bedreigde S.A. monumente gesit het.

    Dit is natuurlik goed as ons die mense wat aan ons as bure gegee is, skei van die menings wat sommige van hulle ontwikkel het, of wat aan hulle opgedwing word.

    Die anti-monumentveldtog wat tans onder swartes plaasvind, is duidelik sentraal beplan en begin, om weereens “die land onregeerbaar te maak” (onthou: net ‘n klein minderheid van swartes in SA is lede van die ANC – miskien sowat 500 000, d.w.s. omtrent 1 % van die totale bevolking, soos die Kommunistiese Party in die ou Sowjetrusland). Hierdie tegniek, 30-40 jaar gelede reeds deur die ANC+SAKP ontwikkel, word nou weer deur ‘n klein groepie toegepas. Hulle marsjeer selde saam in die strate, maar hulle beplan optogte en optrede deeglik. Hulle weet jy kan ‘n groot skare met sowat 3 % van sy mensegetal beheer.

    Die oorgrote meerderheid swartes is nie fanatici nie, al kan hulle as massa opgesweep word.

    Die feit dat hulle die EFF tot kultuurskending kan aanhits, wys eintlik net dat Malema-hulle die FF as meer belangrik beskou as die E. Maar hulle sê nie waarvan of waarvoor hulle vry wil wees nie. En nog niks wat van hulle af kom, het enigiets tot die land se ekonomie bygedra nie. Afgesien daarvan is hulle naam dubbelsinning: Moet dit verstaan word as “economic freedom” “fighters”, of as “economic” “freedom fighters”? Die vraag is natuurlik ook: waar kry hierdie man, wat amptelik bankrot is, al die middele tot wat hy aanrig?

    Aan Bart: Soos jy teen “die Jode” uitvaar, laat jy my dink aan Eli James in die VSA, wat op die Internet onophoudelik haat aanblaas teen “die” Jode. Ek het in Kaapstad en Johannesburg ‘n hele paar Joodse medestudente, dosente, kollegas en medemusikante leer ken. Almal intelligente, opgevoede en betroubare mense met wie dit ‘n plesier is om te verkeer. Dit kan wees dat jy Jode in die ander geselskap raakgeloop het (my eie werk was gewoonlik tegnies-wetenskaplik, en daar kom jy met domheid of oneerlikheid gewoonlik nie baie ver nie). Of dit kan wees dat jy net nie weet waarvan jy eintlik praat nie.

    Aan almal: Nadat ek genoem het met wie ons (volgens my mening natuurlik) te doen het, nog iets oor die begrippe wat ons gebruik. Die volgende woorde en uitdrukkings kom in Sebastiaan en die kommentators se opmerkings voor; hulle behoort met groot omsigtigheid gebruik te word (in alfabetiese volgorde):

    “struggle”
    Afrikaner-selfbeskikking
    blanke erfenis
    gebroke verlede
    hoogverraad
    kolonialisme
    kommunistiese ywer
    kommunisties
    links-radikale geskiedenisbeskouing
    swart asook linkse wit intellektuele
    swart kulturele transformasie
    totalitêr
    transformeer

    Dis sommer ‘n hele klomp terme wat elkeen bespreek en geïnterpreteer behoort te word. Daar is natuurlik nog ‘n hele klomp ander. Wanneer ek hulle raakloop, kry ek gewoonlik die gevoel dat ek op iets glyerigs loop, want ek weet nie of die skrywer met dié term dieselfde bedoel as ek nie. Maar nie vandag nie!

    Klaus Klein
    021-331 43 35 / 072-140 53 00

    Reply
  16. Paul Els

    Behalwe al bogenoemde skrywers se bydraes oor die beskadiging van die talle monunmente die afgelope ruk wil ek net se dat dit my voorkom dat die persone wat vir die verwydering van die monument / standbeelde vra en/ of vir die beskadiging verantwoordelik is geen idee het van die geskiedenis van die beelde of monumente nie maar dat hul slegs sien dat dit opgerig is deur iemand en of n n regering wat nie die ANC is nie en daarom pleeg hul sodanige aksies nieteenstaande dat verskeie belangegroepe openbaar het dat die “blanke” bevolking ten gunste is dat standbeelde van ander kultuur belangrike persone ook opgerig word.

    Reply
  17. André Lochner

    Dankie Sebastiaan ek het jou artikel geniet.

    Ek loop onderstaande raak en verskoon dat ek dit hier plaas soos ek dit ontvang het te wete in Engels.

    Engelse student se insig …. goed gestel na mý mening.

    SELECTIVE TRANSFORMATION

    This one is for the students of the University of Cape Town who want
    the Rhodes statue removed.

    If this statue is offensive to you because it reminds you of colonialists,

    why do you wear the clothing of the colonialists, speak the language

    of the colonialists, utilise the technology and medication of the

    colonialists, and pay good money to be educated like the colonialists?

    If a mere stone statue is offensive to you, shouldn’t you wipe out

    every other vestige and symbol of colonialism as well?

    Shouldn’t the males amongst you turn up at varsity dressed

    in animal skins and feathers, and a beshu to cover your backsides?

    And the female students short grass skirts or beaded cotton strings,

    with their upper bodies bare? It would spice up the lectures a bit hey?

    Come on guys, don’t be such cowards. If you want to protest against

    colonialism, do it properly.

    Throw your smart-phones away and speak your own languages, be it
    Zulu, Xhosa or whatever.

    Because, quite frankly, right now you are strutting around like black

    colonialists in your designer Western clothing, aspiring to be

    Americans and speaking a dreadful form of street English.

    And it’s really negating your protest.

    Because here’s the thing :

    You cannot, with one hand, decry everything that reminds you of

    the colonials, while with the other embrace all the good things that

    they brought to this country.

    That is nothing short of what I term Selective Transformation.

    And finally, if you really think that the removal of that statue will

    change your lives for one moment, then perhaps you are not

    intelligent enough to be at university in the first place.

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui

13 − 6 =