Soos seker meeste ondersteuners intussen weet is Orania besig met ʼn projek om ʼn elektroniese Ora in te stel. Dit maak ons en ons vriende opgewonde, maar het ook al velle, oningeligte kritiek tot gevolg gehad.
Voor daar verkeerde persepsies ontstaan moet ons dalk net eers weer verduidelik waaroor dit gaan en waaroor dit nie gaan nie.
Ten eerste: Orania gaan nie ʼn kripto-geldeenheid soos Bitcoin skep nie. Ons moet besef dat Orania ʼn gewortelde, inherent konserwatiewe gemeenskap is en dat iets soos “fantasiegeld” sekere alternatiewe ekonome opgewonde maak, maar deur die meerderheid mense met skeptisisme bejeën sal word. Bitcoin is ʼn virtuele geldeenheid van ʼn virtuele gemeenskap internet-begeesterdes, maar sal nie vir die spreekwoordelike tant Sannie en oom Koos werk nie. Bitcoin het ook sy oorspronklike doel verloor, naamlik om ʼn kripto-geldeenheid te wees. Intussen is dit ʼn spekulasieobjek.
Dit gesê, het Orania wel die progressiewe stap geneem om in 2004 ʼn plaaslike geldeenheid te skep, die Ora, na deeglike beraad met alternatiewe ekonome soos Norman Reynolds en prof. Johan van Zyl, onder andere (al twee is intussen oorlede). Die Ora werk in Orania en word orals aanvaar, alhoewel nog steeds nie almal dit ewe veel gebruik en die voordele insien nie. Die voordele is dat geld plaaslik bly sirkuleer, omdat die Ora net in Orania geld. Waar geld bly sirkuleer en nie uitvloei nie, word meer omset geskep, meer besigheid gedoen en meer ekonomiese selfstandigheid gekweek. Ander voordele is die groter veiligheid, want rowers kan dit nie buite die gemeenskap gebruik nie, en die feit dat die Rande, wat elke Ora dek, in die bank bly en rente verdien. Die volle potensiaal van die Ora is egter nog nie naastenby ontsluit nie.
Met die Ora wat nou al 13 jaar werk is die volgende stap nou die elektroniese Ora. Die rede is voor die hand liggend: oor die algemeen betaal orals in die wêreld meer en meer mense met elektroniese geld, byvoorbeeld in die vorm van krediet- en debietkaarte of elektroniese bankoorplasings (EFT), as met kontant, omdat dit meer gerieflik en ook veiliger is. Bitter min mense trek nog fisies geld oor die toonbank van ʼn banktak, en die banke ontmoedig dit deur hoë fooie. Dit bind personeel (wat ʼn salaris verdien) wat eerder ander werk kon doen. Daarom is feitlik alle kontantonttrekkings deesdae per OTM, maar selfs dit sal vorentoe vervang word deur elektroniese betalings, aangesien deesdae feitlik orals kaartmasjiene staan.
Dieselfde stap moet nou met die Ora ook gedoen word: pleks om bank toe te moet ry, in die tou te staan en geld te trek tydens die toonbankure kan Oraniërs vorentoe elektronies met Ora betaal. Wat dit anders maak as die elektroniese betaling met Rande via kaarte of EFT is dat die banke as tussenganger uitgeskakel word en daardeur ook bankkoste gespaar word. Elke kaarttransaksie kos geld, wel net ʼn paar Rand, maar oor die maand bereken is dit heelwat. Die elektroniese Ora-transaksies sal geen, of ʼn minimale fooi hê en om met elektroniese Ora pleks om met elektroniese Rand (in die vorm van kaarttransaksies of EFT’s) te betaal sal jou dus geld spaar. Terwyl by elektroniese Randtransaksies kommersiële banke die tussengangers is en vir die diens fooie hef, sal die oorplasing van Oras geskied deur middel van ʼn selfoontoepassing. Die tegnologie is beskikbaar en die ekonome van Efficient Group, Pro
lokus en Andile wat tans die implementering van die e-Ora voorberei, het reeds ʼn veilige en goed werkende tegnologie gekies. Soos wat jou elektroniese banktransaksies op ‘n bankstaat sigbaar is, sal die e-Ora transaksie deur middel van die veelbesproke block chain gedokumenteer word, wat dan in Orania op sekere plekke gehuisves sal word. Die block chain is ʼn soort elektroniese transaksieregister wat onafhanklik van die banke funksioneer.
Orania sal die eerste plek in Suid-Afrika wees wat nie net ʼn plaaslike geldeenheid gebruik nie, maar ook sy elektroniese weergawe, wat nog baie meer geleenthede bied as die papier-Ora. Die fisiese Ora sal egter nog steeds voortbestaan en e-Ora en papier-Ora sal langs mekaar funksioneer.
Die Ora, of dit in sy papiervorm of elektroniese vorm gebruik word, is gekoppel aan die Rand en word daardeur ook deur die Reserwebank gelegitimeer. Dit is dus geen kripto-geldeenheid nie. Wat die toekoms egter inhou, weet ʼn mens nie. As die Rand soos die Zimbabwe-dollar heeltemal in duie stort sal Orania sy eie geldeenheid moet instel. Die strukture is dan reeds in plek en die ondervinding met ʼn geldeenheid wat net plaaslik geld sal dan van groot waarde wees.
Enige blok-ketting beteken dat ‘n verspreide databasis gebruik word.
Dit beteken dat meerder rekenaars, verkieslik ‘n onewe getal, is nodig om die bewerkings te doen en die transaksies te stoor.
Die vraag is nou waar gaan die rekenaars gehuisves en wie beheer die rekenaars?
In die geval waar die meeste van die rekenaars buite Orania gehuisves word, is Orania vir alle praktiese nie meer die eienaars van hulle eie munt nie.
Die plan is om 3 rekenaars vir die blok-ketting te gebruik, en al drie sal in Orania gehuisves word. Een sal by die plaaslike bank wees. Die beheer bly dus plaaslik, anders mis ons die doel van die oefening.
Goed om te hoor.
Baie insiggewend. Dankie daarvoor. Ek is baie opgewonde oor hierdie nuwe era van die Ora, die e-Ora!
Dankie vir die kompliment, dit word waardeer.
Ons hou julle dop, met opgewondenheid.
Ons hou julle aan ondersteun, en kyk halsreikend na wat vorentoe gaan gebeur in Orania.
Tye is moeilik in SA, maar moeilike tye gee ook geleentheid vir ‘n doelgerigte lewe, om te strewe na ‘n beter toekoms vir ons nageslag.
Goed gedoen Orania!
Goeie nuus maar ook tikkie van teleurstelling.
Het gehoop die eOra sou ‘n instrument wees om in Orania te belê.
Dit kan wel word. Onthou, ons staan nog aan die begin, maar die geleenthede is legio. Ons benader in Orania ‘n ding altyd konserwatief (versigtig) om nie van opgewondenheid kop te verloor nie. As die E-Ora misluk omdat dit te vinnig en sonder behoorlike navorsing geimplemteer word, en mense verloor geld, dan sal dit vir ons saak baie sleg wees.
gaan die e-ora gemyn word en n limiet he soos bitcoin?
Nee, die e-Ora is nie ‘n kritogeldeenheid soos Bitcoin nie. Dit vul wel die reeds bestaande papier-Ora aan en sal transaksies makliker en geriefliker maak, en potensieel baie meer geleenthede vir besigheid ook met ondersteuners buite Orania bied. Daar moet egter nog steeds vir elke e-Ora ‘n Rand in die bankrekening wees. E-Ora moet dus met Rand gekoop word.
As die Ora nie krypto is nie dan wat word gebruik om die transaksies te beskerm? Sekerlik vind die transaksie plaas oor ‘n netwerk. Nog ‘n vraag of twee…
As ek Orania toe kom vir ‘n vakansie sal ek E-Ora’s kan kan koop en spandeer op my foon sonder om ‘n burger te wees?
As ek weer huis toe kom na my vakansie met oorskiet E-Ora’s sal ek oor die Internet produkte vanuit Orania kan koop met my E-Ora’s?
Sebastian, ek kom kuier maandag vir julle. Sal ek al die eerste e-ora transaksies kan doen voor vrydag as ek weer vertrek?
Daar is niks vekeerd met die naam e-ora nie, maar e-Ra vloei makliker. Of wat van Or-e? Viele gruesse.
Hallo Werner,
ongelukkig was die laaste vergadering net ‘n inligtingsvergadering, nog nie die lansering nie. Ek verstaan dit sal in hierdie jaar op ‘n toetsbasis gedoen word, en vroeg in volgende jaar dan amptelik gelanseer word. Dus nog so ‘n bietjie geduld, maar die e-Ora is op pad.
Hier is die belangrikke wat die leser moet in ag neem asb “Wat die toekoms egter inhou, weet ʼn mens nie. As die Rand soos die Zimbabwe-dollar heeltemal in duie stort sal Orania sy eie geldeenheid moet instel”
Vriende, lees gerus ook hierdie artikel van Alet Rademeyer wat op Maroela Media verskyn het:
http://maroelamedia.co.za/nuus/sa-nuus/orania-se-ora-word-gedigitaliseer/
Baie interesant. Ek is bly iewers in SA gebruik mense nog hul grysstof. Ek hou jul vordering met belangstelling dop. Doen so voort ek is op ‘n afstand baie trots op julle!
Goeiedag uit New Zealand,
BAIE geluk aan julle aldaar met die voortuitstrewende denke en implimentering.
Dit is aangenaam om te sien hoe julle vorder en dankie vir die publikasies om mens op datum te hou.
Ek het minder vertroue in die SA Rand en weereens goed om te weet julle sal betyds julle eie Ora verder implimentee.
Voorspoed en alles goed vir julle.
Andries.
E-Ora is maw net elektroniese weergawe van Orania ruil middel. Sou ek geld belê in “Orania sentrale bank”, kan ek met EFT betaal by Orania besighede, sonder om my kop te breek oor waar ek kontant kry.
Ja
Hier is my voorspelling vir SA :
Die Rand gaan nog meer verswak onder die korrupte leierskap van die ANC.
Hoe werk mens die risiko teen?
1) Bele in die buiteland ( easyequities n voorbeeld van n platform vir dit )
2) Skakel jou geld om in n ander geldeenheid
Om aan te sluit by punt nr 2 , die Ora ( alhoewel amper gedigitaliseerd ) is not steeds 1 : 1 gekoppel met die Rand. Gaan die Rand af, gaan jy ook af al het jy Ora of e-Ora. DUS MOET die e-Ora onafhanklik word van die Rand, en ek kan met sekerheid se die e-Ora gaan baie sterker as die Rand wees onder die mense van Orania se leierskap en hardwerkenheid. Maak die e-Ora onafhaklik en wonderwerke sal gebeur.
Ja, dit sal die ideaal wees, maar ons is nog nie daar nie. Laat ons eers die een stap (digitalisering) voltooi. Onthou, jy praat nou van groot dinge met groot geleenthede, maar ook groot risikos. Ons moet altyd Orania en sy mense se belange ook in ag neem.En solank Orania nog baie dinge uit Suid-Afrika invoer, moet ons met iets betaal wat aan die Rand gekoppel is
Die e-ora is a stap in die regte rigting. Maar ek het ‘n groot probleem dat die rekenaars wat die transaksies behartig ge-sentraliseer is. Vertroue gaan net so ver soos wat mense Orania se bank vertrou. En dit gaan hoofsaaklik dan net lokaal plaas vind. Ek verstaan die vorige kommentaar “Orania en sy mense se belange”. Maar ek dink dit van GROOTER belang om die publiek bewus te maak dat geld nie meer geld is nie. Dit gaan dan van die publiek afhang of fiat nog enigsins ‘n nodigheid is. Opstand teen die “Federal Reserve / Central Bank” gaan verseker nie maklik wees nie. Maar ons vryheid is belangriker as geld. Hoe langer ons vashou aan Rand… hoe langer gaan ons slawe wees van die regering.
Is daar enige nuus oor die e-Ora?