fbpx

Die huidige drama rondom die vandalisering van ons monumente en die eise dat hulle verwyder moet word simboliseer tot ‘n groot mate die transformasieproses wat neerkom op die suiwering van Afrikaners uit Suid-Afrika se publieke ruimtes en areas van gedeelde belang.

Hierdie  proses het begin met die uitwerk van Afrikaners uit die staatsdiens, eers as werknemers en later ook as gebruikers van dienste soos publieke hospitale, openbare treine en selfs beskermingsdienste soos die polisie. Ander publieke ruimtes soos stedelike parke en baie strate is vandag “no-go” areas vir baie Afrikaners.

Tot ‘n groot mate het Afrikaners wat besluit het om in Suid-Afrika aan te bly, in natuurlike reaksie op hierdie vervreemding, tot hulself ingekeer. Tim du Plessis het reeds in 2005 hierdie verskynsel as “inwaartse emigrasie” beskryf. Veral diegene wat die bykomende uitgawe kan bekostig skuil agter reuse heinings, diefwering en sekuriteitswagte – vanaf ons blyplekke tot ons werksplekke en ook waar ons inkopies doen, vermaak soek en die hospitale waar ons verkies om mediese hulp te ontvang.

Terwyl dit maklik was om Afrikaners uit belangrike publieke ruimtes te skuif deur ons werksgeleenthede te ontneem en selfs deur algemene kriminaliteit, is dit nie so maklik om al die spore van ons bestaan weg te vee nie. So staan ons monumente nou soos eensame brandwagte op terreine waar ons huiwerig is om self lank te vertoef.

Die druk om ons monumente te skuif het dus ‘n rasionele politieke aanloop, en in die gesig van die venyn wat ons ervaar is dit ten behoewe van ons erfenis selfs ‘n goeie idee om ons beelde na veilige hawens te verskuif.

Dit neem egter nie weg van die voortslepende onreg wat aan Afrikaners gedoen word na die vertroue wat die meeste van ons in die NP en ANC se onderhandelde skikking geplaas het nie. Ons het immers baie prys gegee om ‘n land te skep wat aan almal behoort wat daarin woon. Dit is nou duidelik dat terwyl ons vir ‘n demokrasie gestem het, ons ‘n rewolusie gekry het met eise wat daagliks net al hoe onredeliker word.

Behalwe vir die algemene staatsverval wat rondom ons plaasvind, sien ons ook verdere tekens dat Suid-Afrika se demokrasie besig is om ons te in die steek te laat. Een voorbeeld hiervan is die wyse waarop die media, wat veronderstel is om die waghonde van die demokrasie te wees, die ANC en die EFF se rassisme altyd as politiek  rapporteer, terwyl Afrikaners se politiek as rassisme gebrandmerk word.

So word die rassisme-kaart ook vinnig ingespan teen talle Afrikaners wat baie emosioneel reageer op die aanslag op ons monumente-erfenis.

Orania het nog altyd sterk standpunt teen rassisme en rasse-haat ingeneem en sal dit in die toekoms bly doen. Ons Christelike grondslag leer ons dat mense geskape is na die beeld van God en daarom kan ons nie anders nie as om elkeen met waardigheid en respek te hanteer.

Dit is egter belangrik om in gedagte te hou dat ‘n liefde vir die eie nie dieselfde is as haat vir ander nie, en selfs al sou daar korrelasie wees, leer die statistiese wetenskap ons dat korrelasie nie oorsaak impliseer nie. Anders gestel: Selfs al sou daar rassiste wees onder diegene wat hul kulturele-erfenis probeer beskerm, maak dit nie die aanspraak op kulturele beskerming ongeldig nie. In ‘n ware demokrasie sou ons almal saam gestem het dat dit hul reg is om emosioneel te raak oor hul simbole en om binne die perke van redelikheid hul frustrasie in die publiek uit te druk.

Hoe moet ons dan nou maak om ons monumente-erfenis te beskerm in ‘n kamma-demokrasie wat sy beste doen om ons uit te dryf?

Dit help nie om mee te doen aan die proses om ons uit die publieke ruimte te verban deur bloot ons monumente uit alle openbare terreine te onttrek nie. Dit is duidelik dat daar ‘n groot behoefte aan publieke aanvaarding by Afrikaners is, soos implisiet in die meerderheid se wens dat ons beelde moet bly op die plekke waar hul tans staan. Sonder publieke ruimtes waar ons onsself kan uitleef, word die versoeking vir ons kinders soveel groter om in ander lande en kulture, publieke ruimtes op te soek wat hulle verwelkom.

Dit help egter ook nie om te veg net om ‘n punt te probeer bewys nie. Vir volke sonder ‘n tuiste word laaste staanplekke meestal toegegroeide grafte wat in die vergetelheid verdwyn.

Gelukkig bied ons Westerse tradisie ‘n bodemlose put van inspirasie en hoop.

Terwyl Rome vernietig is, is grondwerke op ‘n moerasagtige eilandstreek gelê waarvoor die meeste Romeine aanvanklik hul neuse opgetrek het, maar wat uiteindelik die wieg van die Renaissance sou word.

Afrikaners kan ook verby ons Rome kyk om ons Venesië te bou.

Laat ons dus soos op Orania werk aan die skep van nuwe publieke ruimtes vir ons monumente wat ons na gelang van ons vermoë in stand kan hou en volgens ons behoefte kan uitbrei. Dan skep ons vir meer as net beelde ‘n tuiste.

Blog Single

Beelde van ‘n veranderende Suid-Afrika

by | Apr 15, 2015 | Nuus | 23 comments

23 Comments

  1. Theuns

    Die monumente word moontlik benadeel en die boodskap verloor deur dit in areas te hou wat totaal vernder het. Pretoria vandag en Prertori van 60 jaar gelede is totaal verskillende werelde.
    Dis nie moontlik om Kerkplien veilig te besoek en die monument te waardeer nie.
    Dit was sekerlik nie die doel nie en is lankal nie meer haalbaar nie.
    Ons ondersteun die verskuiwing van die monumente na areas waar die monumente waardeer kan word en vrylik besoek kan word deur diegene wat waarde daaraaan heg.
    Kerkplein is nie meer Kerkplein nie.Die karakter het onherstelbaar verander.
    Stel voor ons identifiseer self ‘n area en skuif die monumente wat van waarde is na ‘n area waar dit beskerm en besoek kan word.
    Behou die inherente waarde en bedoeling/ herinnnering van die monumente verteenwoordig . Dit is NIE noodwendig plek gebonde nie.

    Reply
  2. Arnold

    “Dit is NIE noodwendig plek gebonde nie.”
    Ek sou wou sien hoe word die Bloedrivier monument verskuif. Daar is gewoon net nie genoeg plek op Orania vir die hele land se monument en museums nie. En die geld om so ‘n reuse taak te onderneem is ook nie daar nie.
    Ek het nie ‘n antwoord vir hierdie probleem nie. Alles moet eenvoudig net daar waar hulle is gelaat word. Die enigste manier om hierdie vandalisme te keer is om ons daarteen te verset. Net ‘n paar goeie lesse is nodig om hierdie euwel te stuit. Ongelukkig word die pluderaars deur “humaniste”beskerm, en dus kan hullemaak en breek soos dit hulle behaag. Ons wil mos kamstig nie “Ekstrimisties of rassisties”optree nie. Enige Afrikaner verset aksies word nou as bg. geklassifiseer.
    Veral is die Liberales, wat nie oor die moed of vermoë beskik om iets te wil doen nie, die voorbokke in hierdie koor.
    Daar kan, en dit gebeur nou daagliks, waar ons lees hoe sekere Afrikaners aangevat word vir hulle optrede. As ‘n Afrikaner/Boer vir sy regte begin opstaan, word hy met die rassistiese sambok bygekom. Dit gee die sambokslaner ‘n paar sterretjies, en hy verbeel hom dat hy nou die redder van die situasie is.
    Orania en Afriforum het sopas self onder daardie sambok deurgeloop omdat hulle die fout gemaak het om mede Volksgenote se opregte optrede te veroordeel.
    Daardie skade is veel groter as wat die eff eerder die Kruger Standbeeld verwoes het.
    En veral Orania gaan nie gou herstel na hierdie blaps nie.

    Reply
    • Hanno

      Jou laaste twee sinne sluit nie vir my volledig aan by die res nie – kan jy verduidelik wat jy bedoel asb?

      Reply
      • Arnold

        Lyk of ek geblok is.

        Reply
    • Henk

      Ek stem nie saam met jou laaste sin nie! Jy sê “En veral Orania gaan nie gou herstel na hierdie blaps nie.”. Jy is gelukkig nie reg nie. Want Orania se Facebookblad het in die afgelope agt dae (sedert die begin van hierdie storm) met meer as 1000 likes gestyg. Dis gewoonlik 500 likes per maand. Orania se steun op Facebook groei amper harder as ooit!

      Dalk hou die mense van Orania se realistiese standpunt oor die standbeelde?!

      Fokus asb op die positiewe bouwerk wat in Orania gebeur as die sloopwerk in die res van die land. Gaan ‘n bietjie kyk na die nagfoto’s van Stokkiesdraai en die ou Karooplaas. Die foto’s is so pragtig dat jy hierdie hele standbeelde-debakel direk vergeet!

      Reply
  3. Arnold

    Waar lê ons Afrikaner/Boere se prioriteite???
    As daar met dieselfde geesdrif en entoesiasme oor die moorde, kapings, en al die ander vergrype teen ons opgetree word, kan dit ons dalk in ‘n beter possisie plaas om ook die standbeelde te beskerm.
    Ongelukkig word alle optredes as rassisties en ekstrimiesties gebrandmerk. Hoe anders gaan ons hierdie barbaarse optredes hanteer.?? Vir solank as wat ons hierdie liberale en humanistiese resep toepas, hoe meer gaan ons verloor.
    Die tyd om “polities korrek”wat dit ookal beteken, se tyd het reeds verstryk.
    Om hierdie probleem vinnig, en sonder beserings tot ‘n einde te bring, is heel eenvoudig.
    MOET GEEN BELASTINGS MEER BETAAL NIE. Nie een sent nie.

    Reply
  4. Hanno

    Flip Buys skryf: Hulle (EFF) wil nie net ons Standbeelde afbreek nie, hulle wil óns wegjaag. Hulle werklike teiken is nie ons gemeenskap se standbeelde nie, maar die standbeelde se gemeenskap. Daarom sal ons sterk maar verantwoordelik standpunt moet inneem. ‘A showing of weakness invites predetarory behavior’ in hierdie geval.
    Alana Bailey skryf:Dit is verrassend dat liberale denkers soos Max du Preez en Pieter-Dirk Uys wat hulle altyd so passievol ten gunste van demokrasie en vryheid van spraak uitspreek, nou betoog vir die summiere verwydering van standbeelde. Dit is nie alleen die kapitulasie onder druk van kulturele terrorisme nie, maar ook die einde aan ’n nodige debat oor wat die verlede in die openbare arena beteken.
    De Klerk moes in 1994 die suidwestelike helfte tot tweederdes van Suid-Afrika onderhandel het. Orania is hopeloos te klein.

    Reply
    • Stephan

      “Orania is hopeloos te klein.”
      Ek dink jy kyk jouself vas teen die huidige stand van sake. Soos wat die tyd aangaan, verander die situasie in die land veral ten opsigte van die regering se kapasiteit. Ons kan mos sien hoe dit agteruit gaan. Daar sal ‘n tyd kom waar Orania kan beding vir groter spasie. “Mark my words!”

      Reply
  5. Sebastiaan

    Ebert, dankie vir jou nugtere tog inspirierende stuk. Ek het jou blogs gemis en is bly jy is terug as bydraer. Die tweede laaste sin is veral vir my treffend: Afrikaners kan verby hulle Rome (Pretoria) kyk en ‘n nuwe Venisië bou. Terloops, Rome het na die vernietiging en plundering ook weer opgestaan, maar eers honderde jare later. Op die stadium toe die barbare Rome binnegeval het, het dit nie gehelp om langer daarvoor te wou baklei nie en vlug en oorbegin in beter geografiese omstandighede was die beter antwoord. Dit gesê, is ek baie bly dat daar reaksie van ons mense is om die monumente te beskerm en te herstel. Dit wys immers dat die Afrikaner as volk nog nie dood is nie. Sonder ‘n herlewing van Afrikaner-nasionalisme (of wat die meer resente term vir volkstrots ook mag wees) sal Orania in elk geval moeilik groei want dan kom mense net vir fisiese oorlewing. Omdat die gees van Rome in Venisië voortgeleef het, kon dit later ‘n hoogs gekultiveerde en sterk stadstaat word, anders sou dit ‘n onbenullige vissersdorp gebly het. Orania sonder die gees van Afrikaner-herlewing sou dus min beteken.

    Reply
  6. Arnold

    Indien Orania my kommentare blok, het ek geen ander keuse om my en my vrou se verbintenis met hulle af te sluit nie.
    Vaarwel.
    Arnold de Beer.

    Reply
    • Jaco Kleynhans

      Arnold. Jou kommentaar is nie geblok nie. Sal kyk of daar iets van jou in SPAM is.

      Reply
  7. Arnold

    Dankie Jaco.
    Groot waardering.
    Arnold.

    Reply
  8. Arnold

    Dankie Jaco.
    Groot waardering.Dit is ‘n gesukkel om kommentaar geplaas te kry. Die Capcha code werk nie lekker nie.
    Arnold.

    Reply
    • Jaco Kleynhans

      Ons het konstant ‘n probleem met SPAM. Die ouens wat oms webbladsye doen het die sekuriteit opgeskerp wat veroorsaak dat meer plasings as SPAM gemerk word. Ons werk daaraan. Jammer.

      Reply
  9. Alexander Massaut

    Als Nederlander lees ik dit allemaal met veel leed. Als klein landje kan ik niet beschrijven hoe goed het voelt dat er afstammelingen van Nederlanders ‘daarginds’ zijn. Het doet me dan ook veel pijn dat de Afrikaners in deze situatie zitten.

    Misschien zullen jullie dit al vaker hebben gehoord maar mijn buitenstaander bril laat mij de volgende conclusies trekken. Jullie zitten op een zinkend schip genaamd Zuid Afrika. Hoe lang duurt het nog voordat jullie land verder afglijd tot het niveau van Zimbabwe?

    De enige tip die ik kan geven is verhuizen, concentreren en onafhankelijk worden. Dat is natuurlijk heel makkelijk te zeggen voor mij hier in Europa maar ik denk dat dit zeker een optie moet zijn. In ieder geval een staat in een staat gezien de omstandigheden.

    Heel veel geluk en vooral veel voorspoed,
    Alexander Massaut.

    Reply
    • Morne Pitout

      Dank U wel Alexander.

      Reply
  10. Ludwig Everson

    ‘n Afrikaner het twee keuses:
    1. Jy besef dat ZA is nie meer die Afrikaner s’n is nie en dan het jy ook twee keuses:
    a) Jy emigreer na die buiteland en neem afskeid van Afrika.
    b) Jy migreer na jou eie land, Orania of elders in die Noord-Wes-Kaap.
    2. Jy immigreer inwaarts soos dit hier bo genoem het. Ek noem dit die borrel-wêreld.

    Die borrel-wêreld:
    Borrel 1: Jy woon in ‘n sekuriteitskompleks met wagte by die ingang (net soos Kleinfontein).
    Borrel 2: Jy ry in ‘n groot hoog op sy wiele verkieslik 4×4 voertuig, sodat die mini-bus taxi’s jou nie kan intimideer nie.
    Borrel 3: Jy werk in ‘n beveiligde gebou en parkeer ondergronds, om enige kontak met andersoortiges/klasse te vermy.
    Borrel 4: Jy “shop” in ‘n winkelsentrum waar jy weereens onderdak of ondergronds parkeer om weereens enige kontak met ander soortiges/klasse te vermy.
    Borrel 5: Die beste (duurste) moontlike skool.

    Onthou net die borrel-wêreld is slegs ‘n borrel en die beelde wat nie in die borrel was GAAN verdwyn, net so sal al die borrels met ter tyd verdwyn.

    Daar is twee hoof items wat die ANC se kiesers nog nie beheer oor het nie en die ANC en EFF werk hard daar aan om ook daar oor beheer te kry.
    1. Die besighede.
    2. Die grond.
    Enige persoon wat deel is van die borrel-wêreld se borrel gaan bars as julle dit nie vinnige gaan besef nie. Die beeldestormery en die xenofobie is alles aanduiding van die volgende aanslag van die ANC en die EFF. Die feit dat Zuma eerder die Afrikane van elders in Afrika beskerm as die Afrikaner plaasboer is maar een van die duidelike tekens van die feit. Verder dink maar aan wat het reeds verdwyn of besig om te verdwyn; politiek mag, veiligheid, SAP, werk, ekonomie, taal, skole, universiteite, ESKOM, SAA, Poskantoor, hospitale, paaie, water en dienste om ‘n paar te noem.

    Wat probeer ek sê, julle wat nou in die borrel-wêreld leef en dalk wil emigreer, kom maak ‘n draai by Orania en oorweeg dit as ‘n ernstige opsie, ‘n opsie wat ‘n groot toekoms vir die Afrikaner in Afrika in hou.

    Sien jou in Orania.

    Reply
  11. Allan

    Hello,

    I am a white American of European (Irish/Welsh) descent, residing in the United States. First let me begin by apologizing that I am only able to write in English, as I speak/write no Afrikaans. Secondly, I just wanted to say that totally applaud the efforts of the people of Orania to create a safe homeland for Afrikaner folk to grow, prosper and preserve your culture and heritage. I have read many reports about the discrimination and violence faced by whites in South Africa and it is completely deplorable! There is no justification for it at all! I subscribe to e mail updates about the Orania movement and always read each update, wishing that whites in America would see fit to organize ourselves, in a similar manner as followers of the Orania movement have done. All I can say is stand strong and proud, and keep up your efforts!

    Reply
  12. Klaus Klein

    Kommentaar op Ludwig Everson se kommentaar.

    A – Daar bestaan meer as die twee genoemde keuses. Hulle behels gemeenskapsbou, wat ons in die groot stede byna orals al afgeleer het.

    A.1 – Om na Orania te trek is nie ‘n opsie vir almal nie, sekerlik nie vir mense wat, of wie se familielid of -lede, van beropswee in ‘n groot stad moet bly nie. As hulle eers oud genoeg is om af te tree, is hulle meesal ook te gevestig in hulle wee en wil nie meer trek nie. Of hulle vind dit is net eenvoudig te duur. Nogtans kan hulle ‘n bydrae lewer, in die vorm van geld, kennis of medewerking aan spesiale projekte. Ek dink ook aan tydelike verblyf op Orania vir spesiale projekte.

    A.2 – Ek sou persoonlik baie graag vir ‘n paar maande op ‘n slag aan die stigting van bv. ‘n nuwe dorp in die middel van nerens deelneem – kompleet met gebruik van hernieubare energiebronne.

    A.3 – Moenie so smalend oor Kleinfontein te velde trek nie. Hulle het hulle wagte nodig, weens die nabyheid van onsekere buurtareas. En as dit tot die punt sou kom, is dit makliker om ‘n dosyn busse met gemors vol te laai en 20 km te ry om teen Kleinfontein op te ruk, as om dieselfde vrag 200 km ver na Orania te neem.

    A.4 – Origens stem ek met baie saam wat jy oor die “borrel-wereld” skryf, behalwe borrels 1 (hierbo afgehandel) en 5: Wat skole vir ons kinders betref, is die beste steeds goed genoeg. Dit hoef nie die duurstes te wees nie! Ons kan egter as gemeenskap help bydra dat ‘n minder duur skool in ons area ook top-kwaliteit onderrig gee.

    B – As jou gemeenskap funksioneer, sak dit ook makliker met ander soortgelyke gemeenskappe kan saamwerk. Dit kan baie meer wees as ‘n atletiek-byeenkoms eenkeer per jaar. Ek dink aan die moontlikheid van tydelike uitruiling van vakonderwysers, aan musiekweke wat afwisselend hier en daar gehou word, aan gemeenskaplike ontwikkeling van tegniese projekte ivm hernieubare energie ens.
    Dit is nie nodig dat die twee gemeenskappe in alle opsigte identies is nie. Dit sal eerder ‘n bate wees as hulle uiterlik ietwat van mekaar verskil, terwyl die innerlike doelstelling(s) wel dieselfde is. Ek dink aan twee gevalle uit die gskiedenis wat moontlik as model kandien: Die Griekse kolonies rondom die Middellandse See (totdat die Romeine hulle oorwin het omdat hulle nie saamgewerk het nie), en die Duitse Hansa-stede in die eeue van omtrent 900 tot 1500 (wat nie oorwin is waar en terwyl hulle saamgewerk het). Hier by ons sal dit goed wees as elke groeiende gemeenskap sy spesifieke sterktes en vaardighede ontwikkel wat in die res van die land benodig word; daarmee kan jy woeker.

    Groete,

    Klaus Klein.

    Reply
  13. Theuns

    Die voornbeeld van Meyrton en die Verword borsbeeldillsutreer wat my bedoeling is. Daar was ‘n geraas ne aksies van mense wat die beeld wou laat verwyder waar dit was weens interpretasie probleme- selfde as tans.
    Die klagtes het opgebou tot ‘n politike storm wat aandag in die media begin kry het/ wyer wat die doel was van die brekers.
    Die raad het besluit om die beeld onverwags te verwyder. Groot was die skok en afgryse van die betogers en skreeuers toe hul die oggend opdaag en daar is GEEN beeld om te besmeer of op te klim en oor te skreeu nie!
    Verrassing! Pro-aktiewe wyse besluite duer denkende mense op die raad.
    Die situasie wasontlont, die fokus het dadelik verskuif en die lewe gaan aan.
    Die beeld is nie vernietig nie…
    Wat is bereik met die vasketting brigade en hofakies? Emosie laai verder op.
    Die oplossing le nie in agressiewe teenreaksie nie soos bostaande voorbeeld bewys.

    Nog ‘n vraag: Hoe groot sou die Afrikaner volk vandag gewees het as die Boregeneraals – EEN jaar vroeer sou besluit het om ‘n verlore oorlog teen Engeland te stop?
    Duisende vroue en kinders sou oorleef het. Honderde plase was nie afgebrand en vernietig nie. Beste en oeste sou behoue kon bly. Die tydperk van herstel na die oorlog sou aansienlik korter wees. Suid Afrika sou vandag ‘n heeltemal ander land kon wees.Miljoene meer Afrikaners kumulatief….I
    AS/ INDIEN tye anders gelees was met die Boereoorlog. Indien enkele hardkoppige “Generaals” nie toegelaat was om te besluit om nieteenstaande alles aan te gaan met ‘n reeds verlore stryd vir “beginsels”nie.Hoe sou die land en volk gelyk het vandag?
    Wie is vandag die generaals en wie lees die tye reg om te bou deur dalk te buig, maar groei te verseker…
    Wat is die plan VANDAG ? Standbeelde leef nie. Mense leef.

    Reply
  14. klein M

    Hello.
    Wie kan vir my se hoekom die nuwe regering nie meer vir die skool kinders wil leer van die oudae se geskiedenis nie?

    Reply
    • Sebastiaan Biehl

      Baie eenvoudig, omdat hulle ‘n ideologiese agenda het en die illusie wil voorhou dat alles voor 1994 sleg was en liewers nie genoem moet word nie, en dat sedert 1994 ‘n tydperk van vrede ne voorspoed aangebreek het. Dis nie geskiedenis nie, dis sprokies, maar so werk die progaganda van die regering.

      Reply
  15. LoisBig

    Hi. I have checked your orania.co.za and i see you’ve got some duplicate content so probably it is the reason that you don’t rank hi in google.

    But you can fix this issue fast. There is a tool that creates content like human, just search in google: miftolo’s tools

    Reply

Submit a Comment

Jou e-posadres sal nie gepubliseer word nie. Verpligte velde word met * aangedui