anders-fogh-rasmussenAnders Fogh Rasmussen, die sekretaris-generaal van die Noord Atlantiese Verdragsorganisasie, skryf verlede week in die Wall Street Journal dat Amerika sy rol as internasionale polisieman moet behou en uitbou. Rasmussen probeer met die artikel die toenemende sentiment in Amerika dat dié land minder in buitelandse konflik betrokke moet wees, teenwerk.

Rasmussen bou sy argument vir die polisiemanrol van die VSA op sy persepsie dat dié wêreldmoondheid oor die materiële en morele basis beskik om op ’n doeltreffende manier die wêreld ’n veiliger plek te maak.

Volgens Rasmussen is die wêreld vandag toenemend ’n enkele globale nedersetting waar bure mekaar takel en die een konflik na die nader plaasvind. Rasmussen lewer dan ’n pleidooi dat die VSA die rol van polisieman, brandweerman en ook burgemeester moet speel. Die polisieman moet die wêreld patrolleer. Die brandweerman moet die vlamme van konflik blus en die burgemeester moet op ’n wyse manier die heropbouproses lei.

Die idee dat Amerika al drie hierdie rolle kan speel, is onderlê in die argument dat dié land se leiers nog altyd geweet het wat reg is vir die wêreld. Amerika as modeldemokrasie word voorgehou en die ekonomiese sukses van die land word gebruik om te bewys dat die Amerikaners iets weet en iets kan doen wat die res van die wêreld nog nie reggekry het nie.

Daar is egter ’n paar gate in Rasmussen se argumente. Eerstens is die wêreld nog vêr weg van die enkele globale nedersetting wat sommige wêreldleiers reeds raaksien. Die idee dat die wêreld tans deur konflik oorgeneem word, is ook verregaande. Hoewel ons daagliks in die nuus hoor van die oorloë, burgeroorloë, staatsgrepe en opstande is dit eintlik net ’n klein deel van die wêreld wat hierdeur geraak word. Die grootste deel van die wêreldbevolking leef tans in relatiewe vrede en stabiliteit.

Rasmussen se argument dat Amerika oor die vermoë beskik om ’n soort superregeerder in die wêreld te wees, is ook verkeerd. Beide op die terreine van die morele en die materiële bestaan daar vraagtekens oor Amerika se potensiaal om die rol van internasionale polisieman te speel. Die land se staatskuld staan reeds op byna 20 triljoen dollar en die rente hierop is jaarliks 500 miljard dollar. ’n Groot deel van die Amerikaanse federale begroting bestaan uit militêre spandering en dit sal moeilik verder verhoog kan word.

Wat die morele vraag aanbetref hoef ’n mens nie vêrder as Irak te kyk om te wonder of Amerikaanse leiers regtig altyd oor die vermoë beskik om die regte besluit oor wat reg is vir ander lande, te neem nie. Die Amerikaanse oorlog in Irak het in ’n katastrofe geëindig en lewensverlies, swaarkry en ’n konstante staat van chaos is steeds daagliks deel van Irakese se lewens.

Die belangrikste argument teen Rasmussen is egter die vraag oor of die res van die wêreld Amerika as sy polisieman wil hê? Die antwoord is waarskynlik nee. Die meeste lande en streke wil self verantwoordelikheid neem vir probleme en konflik wat hulle raak. ’n Streeksgefokusde benadering tot die oplos van konflik is baie meer sinvol as die idee dat Amerika almal se polisieman moet wees.

Blog Single

Amerika kan nie die hele wêreld polisieer nie

by | Sep 30, 2016 | Nuus | 15 comments

15 Comments

  1. Hans

    Vsa kolonialisme moet end kry. ‘n Beleid van militêre diplomasie en volksmoord, behoort teengestaan te word met siviele eise teen Obama-regime so gou as moontlik.
    Hoe kan ek praat van supra? Wel, Hillary Clinton se gelekte e-posse wat dit duidelik stel dat Syria “geoffer” moet word, om Israel te red. Verder het die Vsa begin om die grootste lugmagbasis in Niger te bou teen $600 000 miljoen, die grootste buite die Vsa. Hiermee vestig Vsa hulself as die nuwe wêreld orde kolonialiseerder van formaat.
    Die laaste punt: om ‘n land eensydig in te val, was reeds tydens die Neurenberg verhore gevestig,as oorlogsmisdaad.

    Reply
  2. Willem Fourie

    Geagte leser,
    As mens êffens mag verskil asb? Die yanks het nooit bedoel om die wêreld polisieer nie, maar:

    1. Dit te beroof (soos die ingelse van te vore), en

    2.Om hulle geldeenheid met mag af te dwing. (maw die wêreld lewer grondstowwe en produkte aan die yanks vir “dollars” wat hulle nodig het om handel te dryf, olie te koop, rente op lenings te betaal, ens.)

    Sonder hierdie heerskappy sou die vsa se eienaars en bevolking onmiddelik verarm het, want hulle kan nie aan hulle eie behoeftes voorsien nie.

    Natuurlik voor dit gebeur sal hulle hulle tot oorlog wend en die wêreld erg beskadig. Nog ‘n rede dat Orania se ligging so besonders is.

    Mooi loop mense

    Reply
  3. Sebastiaan

    In beginsel is die beredenering reg, maar die VSA sou nie so baie moes ingryp as streke hulle konflikte self kan oplos. Die EU het vir jare die Joegoslawië-konflik laat aangaan en met tandelose resolusies gekom, eers die VSA en Navo het dit met wapengeweld beëindig. Die Oekraine word ook deur die EU in die steek gelaat. Die AU kon nog geen konflik in Afrika oplos nie, en ook nie ASEAN in die Verre Ooste nie. Ek glo nie die wêreld sal ‘n beter plek wees as die VSA hulle onttrek nie. Dit gee net meer mag vir state soos Sjina en Rusland, wat net vir eie belang veg.

    Reply
  4. Willem Fourie

    Geagte leser,
    As mens êffens mag verskil asb? Die yanks het nooit bedoel om die wêreld polisieer nie, maar:
    1. Dit te beroof (soos die ingelse van te vore), en
    2.Om hulle geldeenheid met mag af te dwing. (maw die wêreld lewer grondstowwe en produkte aan die yanks vir “dollars” wat hulle nodig het om handel te dryf, olie te koop, rente op lenings te betaal, ens.)
    Sonder hierdie heerskappy sou die vsa se eienaars en bevolking onmiddelik verarm het, want hulle kan nie aan hulle eie behoeftes voorsien nie.
    Natuurlik voor dit gebeur sal hulle hulle tot oorlog wend en die wêreld erg beskadig. Nog ‘n rede dat Orania se ligging so besonders is.
    Mooi loop mense

    Reply
    • Willem Fourie

      (Ek wou natuurlik met Rasmussen verskil, nie mnr. Kleynhans nie)

      Reply
  5. T Theron

    Amerika moet onttroon word as wereldpolisieman. Irak, Afganistan, Libie, Joegoslawiek, Ukraine, Yemen, Sirie, Somalie is alles gebiede waar die VSA die konflik begin het ten einde hul eie belange i.t.v. die roof van daardie lande se olie en goud te te bewerkstellig en om te verseker dat die groter handelsroetes nog in die VSA dollar bedryf word. Europa word tans deur die VSA in samewerking met die EU gedestabiliseer. Nee wat Rasmussen is ‘n pop aan toutjies. Rusland en Sjina het reeds die vermoe om die VSA in ‘n direkte konflik lam te le. Die VSA se demokrasiemodel het gefaal.
    Groete Jaco.

    Reply
    • Sebastiaan

      Hoe sê hulle: “be careful what you wish for”. Beter die VSA as hegemoon as Sjina of Rusland. Ek sou baie versigtig wees om in Poetin enige bevryder te sien. Van Sjina en Xi Xinping praat ons nie eers nie.

      Reply
      • Willem Fourie

        Ja dis waar, ons moet onderskeid tref tussen die amerikaanse mense (dieselfde kultuur en stamlande as ons), en die “slawe-eienaars” wie die politiek bedryf.

        Reply
    • Pieter van Niekerk

      Tertius, ek stem saam.

      Verder is dit so dat sommige lande eenvoudig net nie geskik/ryp vir ‘n demokrasie is nie. Bv. die val van Gaddafi het nie net Libië, maar ook Europa in ghaos gedompel deur ISIS verdere momentum te gee. Wie moet ons bedank? Die VSA se regstellende aksie president, Obama. Die VSA se houding was destyds mooi opgesom deur ‘n laggende Hillary Clinton: We Came, We Saw, He Died”.

      Ek glo wel die wêreld sal ‘n beter plek wees as die VSA hulle onttrek en eerder aandag gee aan hulle eie talryke binnelandse probleme. Dit sal slegs gebeur as Donald Trump die presidentsverkiesing wen.

      Reply
  6. H Gerber

    Die siening dat Amerika ‘n morele mag ter geode in die wereld is, is uiters naief – en is die gevolg van meer as ‘n eeu-lange propagandaveldtog. (Ek weet; ek was ook so mislei.) Willem Fourie is heeltemal reg waar hy die imperiale mag van die dollar uitwys. Die werklike rede vir die omverwerping van die Baathiste in Irak, is omdat Saddam Hoessein gedreig het om olie in Euros en Yen te verkoop, en sodoende die dollarmag-monopolie te vernietig. Amerika is allesbehalwe verenigd, en die binnenshuise onmin – soos rasseonluste – gaan versnel. Hulle skuldgedrewe ekonomie is uiters broos. Intussen word van die wereld verwag om die verkiesing tussen twee sedelose narre ernstig op te neem.

    As die beskawing dit oorleef, behoort die komende eeu (of eeue) ‘n Asiatiese karakter te he.

    Reply
    • Pieter van Niekerk

      H Gerber,

      “Intussen word van die wereld verwag om die verkiesing tussen twee sedelose narre ernstig op te neem.”

      Ek het begrip daarvoor dat jy na Hillary Clinton as ‘n nar verwys. Sy is eintlik baie meer as dit. Frases soos “skelm” “oneerlik”,” arrogant”, “dom” sal dalk selfs meer gepas wees.

      Om egter vir Trump oor dieselfde kam te skeer, maak nie sin nie. Ek stem nie saam nie.

      Ja, hy is nie polities korrek nie. Ja, hy is nie bang om te sê wat hy dink nie. Ja, as hy ‘n probleem met jou het, sal hy dit sê sonder om doekies om te draai. Ek wag al meer as 25 jaar dat ‘n wereldleier van Margaret Thatcher se gehalte na vore kom.

      Om Trump se eie woorde te gebruik:
      “I will be the greatest jobs president that God ever created, I tell you that. I’ll bring back our jobs from China, from Japan, from Mexico and from so many places. I’ll bring back our money. … Sadly, the American dream is dead. But if I get elected president, I will bring it back bigger and better and stronger than ever before, and we will make America great again.“

      Wat sou ek wou gee dat ons geliefde land ‘n leier van hierdie kaliber het i.p.v. die giggelende imbisiel waarmee ons opgeskeep sit). Dan sou Suid-Afrika ‘n kans gehad het om groot en sterk te word.

      Baie groete

      Reply
      • Willem Fourie

        Dag Pieter,
        Ja, hoop hulle stem reg (voor hulle, hul land ook kwyt het).
        Mooi loop

        Reply
    • Willem Fourie

      Dankie mnr. Gerber,

      Ja, Saddam wou Euros as betaaling vir olie aanvaar het, en Mouammar, goud.

      Dit sal die einde van die vsa wees sonder die verpligte aanvraag na petro-dollars.

      Die bedrog is natuurlik dat dollars uit niet geskep, en dan as skuld (maw eise op ander se bates) teen rente uitgereik word. Let dat die geld vir rente nooit geskep is nie, en dus soos wat rente betaal word, verminder die geldvoorraad met die onvermydelike bankrotskappe(wat in werklikheid die oordrag van besit is) en onteiening.

      Hierdie diefstal vind al vir ewig plaas. Lees weer ‘n slag Deuteronium 23:19-20 in die Torah, waar daar verduidelik word hoe om besit van ander se eiendom te neem.

      Groente

      Reply
      • Willem Fourie

        Onthou, die Amerikaners maar ook net die knegte.

        Reply

Submit a Comment

Jou e-posadres sal nie gepubliseer word nie. Verpligte velde word met * aangedui

two × 3 =