Voorskoolse Onderwys

Dagsorgsentrum – Huppelkind

Die Dagsorgsentrum, Huppelkind, is deel van die Bo-Karoo Kampus en staan onder die bestuur van Orania Maatskaplike Raad. ‘n Nuwe gebou, wat op die CVO-skoolterrein geleë is, is pas betrek en word bestuur deur Esna Schumann, ‘n opgeleide kleuterskool-onderwyseres. Sy is sedert die beginjare van Orania by kleutersorg/opvoeding betrokke en word deur sowat elf personeellede bygestaan. Daar is tans ongeveer sestig kinders ingeskryf, vanaf drie maande tot voorskoolse ouderdom.  

By die dagsorgsentrum word ‘n kinder- sowel as ‘n karakterontwikkelingsprogram gevolg wat skoolgereedheid ten doel het, maar ook sosialisering en aanpassing in ‘n gemeenskap met Christelike waardes en -tradisies. Die kinders se omgewing word so huislik moontlik ingerig. Moderne geriewe, vensters en kameras op strategiese plekke, ‘n groot sandput en ruim speelplek en -apparaat, verseker die bes moontlike sorg en opvoeding. Die sentrum is oop van halfagt soggens tot vyfuur namiddae in die winter en somertye van sewe-uur soggens tot halfvyf. 

Hulle gee ook ontbyt en middagete met verversings tussen etenstye. Die personeel kry ‘n ligte middagete. ‘n Volledig toegeruste kombuis maak die voorbereiding van maaltye baie gerieflik. Die sentrum beskik ook oor ‘n pragtige saal vir aktiwiteite en konsert-opvoerings.

Die sentrum help ouers wat net vir een dag versorging soek vir hulle kinders, soos gedurende oriëntering van nuwe inwoners. Ouers betaal 100% skoolgeld oor elf maande. Daar is wel ruimte vir persone wat voel dat hulle ondersteuning wil verleen, om teen R1 500 per maand aan die projek, “Borg ‘n kind se geluk” deel te neem. Verdienstelike ouers word uit hierdie fondse gehelp. Soms vat dit ‘n maand of drie vir ouers om hul voete te vind op Orania en hulle word dan in daardie tydperk bygestaan. Dit word egter nie op ‘n permanente basis gedoen nie. Belangstellendes kan Esna kontak by selnommer 082 472 0637. Eposadres: huppelkind@orania.co.za 

Die ses waardes waarop Huppelkind fokus in kinderontwikkeling:

  1. Om om te gee vir ander mense
  2. Om regverdig op te tree deur deurentyd konsekwent te wees
  3. Om betroubaar te wees
  4. Om verantwoordelik te wees
  5. Om respek vir ander mense te toon
  6. Om eienaarskap deur entrepreneurskap te ontwikkel

Idealisme

Om mieliepap te maak, is op die oog af nie moeilik nie; net drie bestanddele: water, sout en mieliemeel. En tog is alle mieliepap nie lekker nie. Klonterigheid (die beginnersprobleem) buite rekening gelaat, is daar eintlik net een ding wat verkeerd kan wees en dis die...

Orania en die K-woord

En dit, dames en here, is hoe mens die publiek om die bos van onkunde lei sodat hulle jou skryfstuk lees. Die K-woord waarna ek verwys, is natuurlik Katalonië. Ek glo vas dat dit baie belangrik is om uit die foute en suksesse van die verlede te leer. Op die oomblik...

Zur Lage der Afrikaaner („Buren“) im neuen Südafrika – eine deutsche Sicht –

Ihre Einladung zu der heutigen Mitgliederversammlung hat mich erfreut, und ich habe sie gerne angenommen. Denn in Deutschland ist das Interesse am so problematischen Geschehen in Südafrika sehr weitgehend abgestorben. Zwar berichtet die „Informationsstelle südliches...

Die situasie van die Afrikaner in die nuwe Suid-Afrika – ‘n Duitse perspektief

(Toespraak gehou tydens die ledevergadering van die Suid-Tiroolse vriendekring van die Afrikaner te Bozen/Suid-Tirole op 27 Augustus 2017). Uit Duits vertaal deur Sebastiaan Biehl   Ek wil u hartlik bedank vir u uitnodiging om die huidige ledevergadering toe te...

Skakerings van Groen 10: Nuttige onkruid

Ek kyk, vanaf ek hier in Orania is, met nuwe oë na onkruid. Ek is besig met komposhope bou en onkruid is al wat op die oomblik vir my die nodige groen materiaal verskaf. Die gras is nog geel en my plante begin nou eers kop bo die grond uitsteek na hulle winterslaap.  ...

Feite oor die e-Ora.

Soos seker meeste ondersteuners intussen weet is Orania besig met ʼn projek om ʼn elektroniese Ora in te stel. Dit maak ons en ons vriende opgewonde, maar het ook al velle, oningeligte kritiek tot gevolg gehad. Voor daar verkeerde persepsies ontstaan moet ons dalk net...

Duitsland: skok-verkiesingsuitslag.

Die verkiesing vir die Duitse parlement het toe in ʼn taamlike aarskudding ontaard. Nog met die aanloop is aanvaar dat dinge op die voorspelbare, vervelige trant sal voortgaan, met mev. Merkel as kansellier van ʼn sentrum-linkse “groot koalisie” uit haar...

Orania en Maslow se piramied van behoeftes

Abraham Maslow was ‘n Amerikaanse sielkundige van Russies-Joodse herkoms wat van 1908-1970 gelewe het. Hy is veral bekend vir die hiërargie of piramiede van menslike behoeftes wat na hom vernoem is. Maslow het ʼn positiewe beeld van menslike behoeftes gehad, wat hom...

Die republiek, republikanisme en die Afrikaner. Deel 2: Die Afrikaner se strewe

Die Afrikaner het vir die grootste deel van sy geskiedenis stroomop geswem. Daar word deur ons vyande beweer dat ons agter die tyd is en in die verkeerde eeu leef. Die trekboere en Voortrekkers is as argaïes beskou met hulle landelike veeherder- en rondtrekleefwyse in...

Skakerings van groen 9: Van boomstomp tot woonstelblok

Nie alles verloop altyd volgens plan nie, al is die plan ook hoe fyn bedink. Ek was baie gretig om ’n sandbad vir my tuinvoëls in te rig en spring toe met sand en hark aan die werk. Ek kies ’n plekkie in die middel van my siertuin. Van daar af sal die voëls maklik by...